News July 23, 2024

‘భారత్‌తో టీ20 సిరీస్’.. తోసిపుచ్చిన పాకిస్థాన్

భారత్‌తో విదేశాల్లో టీ20 సిరీస్ నిర్వహించడంపై తాము ఎలాంటి ప్రతిపాదన చేయలేదని పాకిస్థాన్ క్రికెట్ బోర్డు వెల్లడించింది. ఛాంపియన్స్ ట్రోఫీని విజయవంతంగా నిర్వహించడంపైనే ప్రస్తుతం తాము దృష్టి సారించామని తెలిపింది. ఇంగ్లండ్/ ఆస్ట్రేలియాలో టీ20 సిరీస్ నిర్వహించడంపై బీసీసీఐని సంప్రదించిందన్న వార్తలను తోసిపుచ్చింది. భారత్ పాక్‌కు వచ్చి ఛాంపియన్స్ ట్రోఫీలో ఆడేలా చేయడమే తమ ముఖ్య అజెండా అని పేర్కొంది.