News July 23, 2024

పొలాల్లో నీరు నిల్వ ఉంచవద్దు: వ్యవసాయ వర్సిటీ

TG: విస్తారంగా వర్షాలు కురుస్తున్న నేపథ్యంలో పంటల ముంపును నివారించేందుకు రైతులు చర్యలు చేపట్టాలని ప్రొ.జయశంకర్ అగ్రికల్చర్ యూనివర్సిటీ సంచాలకులు రఘురామిరెడ్డి సూచించారు. భారీ వర్షాలు కురిసిన ప్రాంతాల్లో పొలాల్లో నిలిచిన మురుగు నీటిని తొలగించాలని, నిల్వ ఉంచవద్దని అన్నారు. పురుగు మందులను పిచికారీ చేయడం తాత్కాలికంగా వాయిదా వేయాలని చెప్పారు. ఈ నెలాఖరు వరకు నాట్లు వేసుకోవచ్చని అన్నారు.