News July 25, 2024

హైకోర్టులో పెద్దిరెడ్డిపై విచారణ

మాజీ మంత్రి పెద్దిరెడ్డి రామచంద్రారెడ్డి తన ఆస్తి వివరాలను దాచిపెట్టి ఎన్నికల్లో తప్పుడు అఫిడవిట్ సమర్పించారని బీసీవై అధినేత రామచంద్రయాదవ్ ఆరోపించారు. ఈ మేరకు ఆయన హైకోర్టులో పిటిషన్ వేయగా బుధవారం విచారణ జరిగింది. ఈ విచారణకు ఇరువర్గాల న్యాయవాదులతో పాటు పుంగనూరు రిటర్నింగ్ అధికారి హైకోర్టుకు హాజరయ్యారు. ఇరు వర్గాల వాదనలు విన్న కోర్టు విచారణను ఈనెల 31కి వాయిదా వేసింది.