News July 25, 2024
‘సియాచిన్ గ్లేసియర్’ వద్ద తొలిసారి మహిళా ఆఫీసర్‌కు విధులు!
‘సియాచిన్ గ్లేసియర్’ వద్ద విధులు నిర్వహిస్తున్న ఆర్మీ ఎయిర్ డిఫెన్స్ తొలి మహిళా ఆఫీసర్‌గా CT సుప్రిత నిలిచారు. హిమాలయాల్లోని తూర్పు కారాకోరం శ్రేణిలో ఉన్న ప్రపంచంలోనే ఎత్తైన యుద్ధభూమి ఇది. నెల రోజుల కఠినమైన శిక్షణ అనంతరం ఆమెను ఇక్కడ నియమించినట్లు ఆర్మీ ఓ ప్రకటనలో తెలిపింది. 2021లో లెఫ్టినెంట్‌గా చేరిన ఆమె ఇండియన్ ఆర్మీలో రెండో మహిళా అధికారిణిగా రికార్డు నెలకొల్పిన సంగతి తెలిసిందే.
Similar News
News January 31, 2025
వీటిని బెడ్‌పై ఉంచి నిద్ర పోతున్నారా?
రాత్రి నిద్రపోయేముందు కొన్ని వస్తువులు బెడ్ దగ్గర పెట్టకూడదని నిపుణులు చెబుతున్నారు. జెట్ కాయిల్స్, ఫోన్లు, ల్యాప్‌టాప్స్ ఇతర ఎలక్ట్రానిక్ వస్తువులు దూరంగా పెట్టాలి. బెడ్‌పై పెడితే అవి పేలే ప్రమాదం ఉంది. అలాగే బట్టలు, ఔషధాలు, ఆహార పదార్థాలు ఉండకూడదు. వీటి కోసం చీమలు, బొద్దింకలు వస్తాయి. టెడ్డీ బేర్‌ను పక్కన పెట్టుకుని నిద్రించకూడదు. దానిపై ఉండే దుమ్ము, బ్యాక్టీరియా ఆరోగ్యానికి హాని చేస్తాయి.
News January 30, 2025
‘సంక్రాంతికి వస్తున్నాం’ ALL TIME RECORD
వెంకటేశ్, అనిల్ రావిపూడి కాంబినేషన్లో తెరకెక్కిన ‘సంక్రాంతికి వస్తున్నాం’ సరికొత్త రికార్డులు సృష్టిస్తోంది. బుక్ మై షోలో అత్యధికంగా 3.33 మిలియన్ల టికెట్లు అమ్ముడైన తొలి తెలుగు ప్రాంతీయ చిత్రంగా నిలిచిందని నిర్మాణ సంస్థ శ్రీవెంకటేశ్వర క్రియేషన్స్ ట్వీట్ చేసింది. ఈ నెల 14న రిలీజైన ఈ మూవీ ఫ్యామిలీ ఆడియన్స్‌ను విపరీతంగా ఆకట్టుకుంటోంది. మరోవైపు కలెక్షన్లలో రూ.300 కోట్లకు చేరువైంది.
News January 30, 2025
‘పుష్ప-2’ ఓటీటీ డీల్ ఎంతంటే?
అల్లు అర్జున్ ‘పుష్ప-2’ అర్ధరాత్రి నుంచి ఓటీటీలో స్ట్రీమింగ్ అవుతున్న సంగతి తెలిసిందే. ఈ సినిమా హక్కుల కోసం నెట్‌ఫ్లిక్స్ రూ.275 కోట్లు చెల్లించినట్లు సినీవర్గాల్లో టాక్. సినిమా రిలీజ్‌కు ముందే ఈ ఒప్పందం జరిగిందని సమాచారం. దీంతో OTT ద్వారా అత్యధిక ధర దక్కించుకున్న పుష్ప-2 రికార్డు క్రియేట్ చేసినట్లు సినీ వర్గాలు పేర్కొన్నాయి. ఈ మూవీ నెట్ ఫ్లిక్స్‌లో దక్షిణాది భాషల్లో స్ట్రీమింగ్ అవుతోంది.