News July 27, 2024
ఇది కాస్ట్లీ ఫైర్ ఆపరేషన్ గురూ.. టీ, ఫుడ్‌కే రూ.27 లక్షలు!
తమిళనాడు వెల్లలూరులోని డంపింగ్ యార్డులో ఎండల ధాటికి ఎగిసిన మంటలను ఆర్పేందుకు సిబ్బంది తీవ్రంగా శ్రమించారు. ఈ ఆపరేషన్‌కు రూ.76.70 లక్షలు ఖర్చు చేశారు. ఇందులో సిబ్బంది టీ, ఆహారం కోసమే రూ.27.52 లక్షలు ఖర్చు అయిందట. ఈ బిల్లులకు ఇటీవల కార్పొరేషన్ ఆమోదం తెలిపింది. ‘ఏప్రిల్ 6న డంపింగ్ యార్డు 50 ఎకరాల్లో మంటలు వ్యాపించాయి. 12 రోజుల పాటు 600 మంది షిఫ్టుల వారీగా ఆపరేషన్‌లో పాల్గొన్నారు’ అని వెల్లడించింది.
Similar News
News November 8, 2025
చలి పెరుగుతుంది.. జాగ్రత్త: IMD
దేశవ్యాప్తంగా వర్షాలు దాదాపుగా తగ్గుముఖం పట్టాయి. ఈ నేపథ్యంలో రాత్రి వేళల్లో చలి పెరుగుతుందని IMD పేర్కొంది. ‘వాయవ్య, సెంట్రల్ ఇండియాలో వచ్చే వారం రోజుల్లో ఉష్ణోగ్రతలు సాధారణం కంటే 2-5°C తక్కువగా ఉండే అవకాశముంది. సెంట్రల్, వెస్ట్ ఇండియాలో వచ్చే 48 గంటల్లో 2-3°C, ఈస్ట్ ఇండియాలో వచ్చే 3 రోజుల్లో 3-4°C తగ్గుదల ఉండొచ్చు’ అని అంచనా వేసింది. ప్రజలు తగిన జాగ్రత్తలు తీసుకోవాలని సూచించింది.
News November 8, 2025
నేడు సంకటహర చతుర్థి
ప్రతి మాసంలో వచ్చే పౌర్ణమి తర్వాత, కృష్ణ పక్షంలో నాల్గవ తిథిని సంకటహర చతుర్థి అని అంటారు. ఈ రోజు విఘ్ననాయకుడైన గణపతికి అత్యంత ప్రీతికరమైనది. ఈ పవిత్రమైన రోజున భక్తులు ఉపవాసం ఉండి, నిండు మనస్సుతో గణనాథుడిని పూజిస్తారు. ఇలా చేస్తే జీవితంలో సంకటాలు, ఆటంకాలు తొలగిపోయి, శుభాలు కలుగుతాయని వేద పండితులు చెబుతారు. సంకటహర వ్రతాన్ని నేడు ఆచరించడం వలన అనుకున్న పనులు నిర్విఘ్నంగా పూర్తవుతాయని నమ్మకం.
News November 8, 2025
వంగ, బెండ సాగు-తొలిదశలో చీడపీడల నివారణ
వంగ, బెండ మొక్కలపై తొలి దశలో అక్షింతల పురుగు, పెంకు పురుగులను గమనిస్తే ఏరి చంపేయాలి. కొమ్మతొలుచు పురుగు ఆశించిన రెమ్మలను కింది వరకు తుంచి నాశనం చేయాలి. పంట కాపునకు ముందు దశలో పురుగుల నివారణకు లీటరు నీటికి 2.5ml క్లోరిపైరిపాస్, 2.5ml క్వినాల్‌ఫాస్, 2ml ప్రొఫెనోఫాస్ మందులలో ఏదో ఒకదానిని 5ml వేపమందుతో కలిపి స్ప్రే చేయాలి. అవసరాన్ని బట్టి 7 నుంచి 10 రోజుల వ్యవధిలో మందు మార్చి మరోసారి స్ప్రే చేయవచ్చు.