News July 27, 2024
ఫ్రాన్స్ అధ్యక్షుడితో అంబానీ దంపతులు
ప్రముఖ బిలియనీర్ ముకేశ్ అంబానీ, ఆయన భార్య నీతా అంబానీ ఫ్రాన్స్ అధ్యక్షుడు ఇమాన్యుయేల్ మేక్రాన్‌తో సమావేశమయ్యారు. ఒలింపిక్ గేమ్స్ వీక్షించేందుకు అంబానీ దంపతులు ఫ్రాన్స్ వెళ్లారు. ఈ క్రమంలో ఆ దేశాధ్యక్షుడితో వారు భేటీ అయ్యారు. కాగా నీతా అంబానీ ఇంటర్నేషనల్ ఒలింపిక్ కమిటీ సభ్యురాలిగా కొనసాగుతున్న విషయం తెలిసిందే. IOCలో చేరిన మొదటి భారతీయ మహిళగా ఆమె గుర్తింపు పొందారు.
Similar News
News January 31, 2025
పార్టీ ఫిరాయింపులు.. అసెంబ్లీ సెక్రటరీపై సుప్రీం ఆగ్రహం
TG: పార్టీ ఫిరాయింపులపై సుప్రీంకోర్టులో విచారణ జరిగింది. ఈ అంశంపై నిర్ణయం తీసుకోవడానికి మీ దృష్టిలో తగిన సమయం అంటే ఎంత అని అసెంబ్లీ సెక్రటరీని ధర్మాసనం ప్రశ్నించింది. రీజనబుల్ టైమ్ అంటే మహారాష్ట్ర అసెంబ్లీ గడువు ముగిసే వరకా అంటూ ఆగ్రహం వ్యక్తం చేసింది. స్పీకర్‌ను అడిగి నిర్ణయం చెబుతామని న్యాయవాది ముకుల్ రోహత్గీ కోర్టుకు తెలిపారు. దీనిపై తదుపరి విచారణ వచ్చే వారానికి వాయిదా పడింది.
News January 31, 2025
3 టమాటాలతో నలుగురు 30 గంటలు బతికారు
ఇటీవల ఢిల్లీ బురారీలో నాలుగంతస్తుల భవనం కూలిపోయిన ఘటనలో నలుగురు కుటుంబసభ్యులను రెస్క్యూ బృందాలు కాపాడాయి. శిథిలాల కింద చిక్కుకున్న రాజేశ్(30), గంగోత్రి(26), వారి కుమారులు ప్రిన్స్(6), రితిక్(3) కేవలం 3 టమాటాలతో 30 గంటలు జీవించారు. ఈ నెల 27న పైకప్పు స్లాబ్ గ్యాస్ సిలిండర్‌పై పడటంతో ఏర్పడిన ఖాళీ స్థలంలో బిక్కుబిక్కుమంటూ గడిపారు. కాగా ఈ ప్రమాదంలో ఐదుగురు చనిపోగా, 16 మంది ప్రాణాలతో బయటపడ్డారు.
News January 31, 2025
టీమ్ ఇండియాతో ఫ్రెండ్లీగా ఉండొద్దు.. పాక్ ఆటగాళ్లకు హెచ్చరిక
ఛాంపియన్స్ ట్రోఫీ మ్యాచుల్లో భారత ఆటగాళ్లతో స్నేహంగా ఉండొద్దని పాక్ మాజీ ఆటగాడు మోయిన్ ఖాన్ తమ క్రికెటర్లను హెచ్చరించారు. ‘ఈ మధ్యకాలంలో మనవాళ్ల వైఖరి నాకు అర్థం కావట్లేదు. భారత బ్యాటర్లు క్రీజులోకి రాగానే వెళ్లి వారి బ్యాట్లను చెక్ చేయడం, ఫ్రెండ్లీగా మాట్లాడటం వంటివి చేస్తున్నారు. గౌరవం ఇవ్వడం వరకూ ఓకే కానీ ఈ అతి స్నేహం దేనికి?’ అని ప్రశ్నించారు. వచ్చే నెల 23న దుబాయ్‌లో భారత్-పాక్ తలపడనున్నాయి.