News July 29, 2024
నిర్మాత సూర్యనారాయణబాబు కన్నుమూత
సినీ నిర్మాత ఉప్పలపాటి సూర్యనారాయణ(74) కన్నుమూశారు. గుండెపోటుతో చికిత్స పొందుతూ HYDలోని ఆస్పత్రిలో మరణించారు. ఆయన పద్మావతీ ఫిలింస్ ద్వారా తెలుగు, కన్నడ, హిందీ భాషల్లో 24 సినిమాలను నిర్మించారు. వాటిలో శంఖారావం, బజార్ రౌడీ, అల్లుడు దిద్దిన కాపురం, అన్నదమ్ముల సవాల్ లాంటి మూవీలు ఉన్నాయి. సూపర్ స్టార్ కృష్ణ సోదరి లక్ష్మీతులసిని వివాహం చేసుకున్నారు. 1985లో గుడివాడలో NTRపై పోటీ చేసి ఓడిపోయారు.
Similar News
News February 1, 2025
కుంభమేళాకు సగం ధరకే విమాన టికెట్ల ధరలు: కేంద్ర మంత్రి
కుంభమేళాకు వెళ్లే భక్తులకు సగం ధరకే విమాన ప్రయాణం చేయొచ్చని కేంద్ర మంత్రి రామ్మోహన్ నాయుడు తెలిపారు. ఇందుకు సంబంధించి అన్ని ఎయిర్‌లైన్స్ సంస్థలకు ఆదేశాలు జారీ చేశామని చెప్పారు. కాగా కుంభమేళా సందర్భంగా ప్రయాగ్‌రాజ్ వెళ్లే అన్ని విమాన సంస్థలు భారీగా టికెట్లు రేట్లు పెంచాయి. దీనిపై కేంద్రానికి వినతులు వెల్లువెత్తడంతో 50 శాతం ధరల తగ్గింపు నిర్ణయం తీసుకుంది.
News February 1, 2025
సీఎం చంద్రబాబుతో డీజీపీ గుప్తా భేటీ
AP: CM చంద్రబాబుతో నూతన DGP హరీష్ కుమార్ గుప్తా భేటీ అయ్యారు. ఉండవల్లిలోని సీఎం నివాసంలో వీరు మర్యాదపూర్వకంగా కలిశారు. ఈ సందర్భంగా డీజీపీగా తనను ఎంపిక చేసినందుకు సీఎంకు ధన్యవాదాలు తెలిపారు. కాగా నిన్నటితో మాజీ DGP ద్వారకా తిరుమలరావు పదవీకాలం ముగిసింది. ఆయనను ఏడాది పాటు RTC MDగా కొనసాగిస్తూ ప్రభుత్వం ఉత్తర్వులు జారీ చేసింది.
News February 1, 2025
నాలుగో టీ20లో హీరోగా మారిన హర్షిత్
ఇంగ్లండ్‌తో జరిగిన నాలుగో టీ20లో హర్షిత్ రాణా కంకషన్ సబ్‌స్టిట్యూట్‌గా బరిలోకి దిగి హీరోగా అవతరించారు. కీలక సమయంలో 3 వికెట్లు పడగొట్టి ఓడిపోయే మ్యాచ్‌ను మలుపు తిప్పారు. బేథేల్, లివింగ్‌స్టోన్, ఓవర్టన్‌లను ఆయన పెవిలియన్ పంపారు. కంకషన్ సబ్‌స్టిట్యూట్‌గా అంతర్జాతీయ అరంగేట్రం చేసిన ఏడో ప్లేయర్‌గా రాణా నిలిచారు. గతంలో బ్రయాన్, నీల్ రాక్, జోండో, పార్కిన్‌సన్, కమ్రాన్ గులాం, బహిర్షాలు డెబుట్ చేశారు.