News July 29, 2024
బెయిల్ విచారణలో ఇంగిత జ్ఞానం ఉండాలి: CJI
బెయిల్ పిటిషన్లను విచారించే సమయంలో న్యాయమూర్తులకు కామన్ సెన్స్ ఉండాలని CJI డీవై చంద్రచూడ్ సూచించారు. కొంతమంది జడ్జిలు కీలకమైన కేసుల్లో బెయిల్ ఇవ్వకుండా సేఫ్ గేమ్ ఆడుతున్నారని పేర్కొన్నారు. ‘ప్రతి కేసునూ క్షుణ్ణంగా పరిశీలించేందుకు బలమైన ఇంగిత జ్ఞానం ఉండాలి. ట్రయల్ కోర్టుల్లో బెయిల్ దొరక్క చాలామంది హైకోర్టులకు వస్తున్నారు. ఇది హైకోర్టులపై భారాన్ని మరింత పెంచుతోంది’ అని వివరించారు.
Similar News
News January 5, 2026
అతి త్వరలోనే పెన్షన్ల పెంపు: మంత్రి
TG: దివ్యాంగుల సంక్షేమానికి కట్టుబడి ఉన్నామని మంత్రి అడ్లూరి లక్ష్మణ్ అన్నారు. అతి త్వరలోనే పెన్షన్ల పెంపు ఉంటుందని చెప్పారు. దివ్యాంగులకు బస్సుల్లో త్వరలోనే ఉచిత ప్రయాణ సౌకర్యం కల్పిస్తామని హామీ ఇచ్చారు. వచ్చే అకడమిక్ ఇయర్ నుంచి బధిర విద్యార్థులకు ఇంటర్, డిగ్రీ కాలేజీలను అందుబాటులోకి తెస్తామన్నారు. కాగా దివ్యాంగుల పెన్షన్లను ₹4,016 నుంచి ₹6వేలకు పెంచుతామని ఎన్నికలకు ముందు కాంగ్రెస్ హామీ ఇచ్చింది.
News January 5, 2026
ఐశ్వర్యానికి కారకుడు శివుడా?
శివుడిని వైరాగ్యానికి మూర్తిగా భావిస్తాం. కానీ ఆయనే సకల సంపదలకు మూలమైన ‘ఐశ్వర్యేశ్వరుడు’. కుబేరుడికి ఉత్తర దిక్పాలకుడిగా, సంపదలకు అధిపతిగా ఉండే శక్తిని ప్రసాదించినది ఆ పరమశివుడే. ఆయన భక్తుల దారిద్ర్యాన్ని హరించి శుభాలను చేకూర్చే మంగళకారుడు. మనసు నిండా భక్తితో శివుడిని ఆరాధిస్తే ఆయన అనుగ్రహంతో దారిద్ర్య బాధలు తొలగి భోగభాగ్యాలు చేకూరుతాయి. అందుకే శివుణ్ని పూజిస్తే అష్టైశ్వర్యాలు సిద్ధిస్తాయంటారు.
News January 5, 2026
ప్రీ డయాబెటీస్ ఉంటే ఇవి తినాలి
షుగర్ పేషెంట్స్ ముందుగా ‘ప్రీ డయాబెటిక్’ దశను దాటే డయాబెటిక్గా మారుతారు. అయితే డైట్లో కొన్ని ఆహారాలు చేర్చుకోవడం ద్వారా దీన్ని రివర్స్ చెయ్యొచ్చంటున్నారు నిపుణులు. మెంతులు, మిరియాలు, దాల్చిన చెక్క, పసుపు, ఉసిరి రోజూ తీసుకోవడం వల్ల షుగర్ రాకుండా నివారించొచ్చంటున్నారు. వీటితో పాటు జీవనశైలి మార్పులు, వ్యాయామం, ఆరోగ్యకర ఆహారం తీసుకోవడం తప్పనిసరి అని సూచిస్తున్నారు.