News July 29, 2024
HYD: హాస్టల్ తలుపు తన్ని.. హత్య చేశాడు..!
SR నగర్‌లో శనివారం రాత్రి <<13723632>>హత్య <<>>జరిగిన విషయం తెలిసిందే.పోలీసులు తెలిపిన వివరాలు.. కర్నూలు వాసి, ఉపాధ్యాయుడు వెంకటరమణ(38) అమీర్‌పేటలోని బాయ్స్‌ హాస్టల్‌లో ఉంటున్నాడు. అతడి గదిలోనే ఏలూరు వాసి గణేశ్ ఉంటున్నాడు. గణేశ్ మద్యం తాగి వచ్చి హాస్టల్ గదిలో తలుపును తన్నాడు. నిద్రలేచిన వెంకటరమణ అతడితో వాగ్వాదానికి దిగాడు. దీంతో క్షణికావేశంలో గణేశ్.. వెంకటరమణపై దాడి చేసి హత్య చేశాడు. కేసు నమోదైంది.
Similar News
News August 30, 2025
రంగారెడ్డి జిల్లా ముసాయిదా ఓటర్ లిస్ట్ ఇదే
స్థానిక సంస్థల ఓటర్ల ముసాయిదా జాబితాను జిల్లా ఎన్నికల అధికారి విడుదల చేశారు. రంగారెడ్డి జిల్లావ్యాప్తంగా 21 మండలాల పరిధిలో 526 గ్రామపంచాయతీలు ఉండగా వీటి పరిధిలో 7,52,254 మంది ఓటర్లు ఉన్నారని, వీరిలో 3,76,873 మంది పురుషులు, 3,75,353 మంది మహిళలు, 28 మంది ఇతర ఓటర్లు ఉన్నట్లు ప్రకటించారు. వార్డుల వారీగా మొత్తం 4,682 పోలింగ్ కేంద్రాలను ఎంపిక చేసినట్లు తెలిపారు. అభ్యంతరాల స్వీకరణ ఇవాళ్టితో లాస్ట్.
News August 30, 2025
రంగారెడ్డి: ఆశవర్కర్లు జ్వర సర్వే చేపట్టాలి: కలెక్టర్
సీజనల్ వ్యాధులు వ్యాపిస్తున్న నేపథ్యంలో అన్ని మున్సిపాలిటీలు, గ్రామాల్లో పారిశుద్ధ్య కార్యక్రమాలు, జ్వర సర్వే చేపట్టాలని కలెక్టర్ నారాయణరెడ్డి ఆదేశించారు. జిల్లాలో డెంగ్యూ కేసులు ప్రబలే ప్రాంతాలను గుర్తించాలని, ఫాగింగ్, రెసిడ్యుల్ స్ప్రే చేపట్టి ప్రజలకు అవగాహన కల్పించాలన్నారు. ఖాళీ స్థలాల్లో చెత్త తొలగించాలని, ఆశవర్కర్లు ప్రతిరోజు 50 ఇళ్లను సందర్శించి జ్వర సర్వే చేపట్టాలన్నారు.
News August 30, 2025
RR: ఓటర్ లిస్టులో మీ వివరాలు మార్చాలా?
పంచాయతీ ఎన్నికల సమరానికి ఓటర్ జాబితా విడుదలైంది. ఈ జాబితాలో పొరపాట్లు ఉన్నా, కొత్తగా నమోదు చేసుకోవాలన్నా, అభ్యంతరం వ్యక్తం చేయాలన్నా MPDO, పంచాయతీ అధికారికి దరఖాస్తు ఇవ్వాలి.
→ Form-6: కొత్తగా పేరు చేర్చుకోవడానికి
→ Form-7: చెల్లని పేరు తొలగించే అభ్యంతరానికి
→ Form-8: పేరు, అడ్రస్, ఇతర కరెక్షన్స్‌కు
→ Form-8A: ఒక వార్డు నుంచి మరో వార్డుకు మారడానికి
నేడే దీనికి ఆఖరు తేది.