News July 29, 2024
ప్రమోటెడ్ టీచర్లతో ఆగస్టు 2న సీఎం సమావేశం
TG: ఇటీవల ప్రమోషన్లు పొందిన దాదాపు 30వేల మంది టీచర్లతో సీఎం రేవంత్‌రెడ్డి ఆగస్టు 2న సమావేశం కానున్నారు. హైదరాబాద్‌లోని ఎల్బీ స్టేడియంలో మధ్యాహ్నం 3గంటలకు ఈ కార్యక్రమం నిర్వహించేందుకు అధికారులు సన్నాహాలు చేస్తున్నారు. ఈ సమావేశంలో ఉపాధ్యాయులు నేరుగా సీఎంతో మాట్లాడే అవకాశం కల్పిస్తున్నట్లు సీఎస్ శాంతి కుమారి తెలిపారు. ఈ మేరకు ఉన్నతాధికారులతో ఆమె టెలికాన్ఫరెన్స్ నిర్వహించారు.
Similar News
News December 21, 2024
అల్లు అర్జున్ ప్రెస్మీట్ ఆలస్యం.. కొనసాగుతున్న ఉత్కంఠ
అల్లు అర్జున్ ప్రెస్మీట్ నిర్వహణపై ఉత్కంఠ కొనసాగుతోంది. రా.7 గంటలకు మీడియా సమావేశం ఉంటుందని ప్రెస్‌కు సమాచారం ఇవ్వడంతో అంతా ఆయన ఇంటి వద్ద వేచి చూస్తున్నారు. కానీ రా.8 గంటలు కావొస్తున్నా అర్జున్ ఇంకా బయటికి రాకపోవడంతో మీడియా ప్రతినిధులు పడిగాపులు కాస్తున్నారు. మరోవైపు ఆయన అభిమానులు కూడా బన్నీ ప్రెస్మీట్ ఎప్పుడు ఉంటుందా? అని ఆసక్తిగా ఎదురుచూస్తున్నారు.
News December 21, 2024
వాయుగుండం.. రేపు, ఎల్లుండి వర్షాలు
AP: బంగాళాఖాతంలో ఏర్పడిన వాయుగుండం తూర్పు-ఈశాన్య దిశగా కదులుతోందని APSDMA తెలిపింది. ప్రస్తుతం ఇది విశాఖకు 430కి.మీ, చెన్నైకి 490కి.మీ, గోపాల్‌పూర్(ఒడిశా)నకు 580కి.మీ దూరంలో ఉందని పేర్కొంది. ఆ తర్వాత సముద్రంలో క్రమంగా బలహీనపడే అవకాశం ఉందని వెల్లడించింది. అయితే వాయుగుండం ప్రభావంతో రేపు, ఎల్లుండి ఉత్తర కోస్తాలోని పలు ప్రాంతాల్లో మోస్తరు వర్షాలు కురుస్తాయని తెలిపింది.
News December 21, 2024
కాంగ్రెస్ ప్రభుత్వంపై BRS సెటైరికల్ ట్వీట్
TG: రాష్ట్ర ప్రభుత్వంపై బీఆర్ఎస్ పార్టీ సెటైరికల్ ట్వీట్ చేసింది. కాంగ్రెస్ పాలన గురించి అర్థం వచ్చేలా సింగిల్ లైన్లో చమత్కరించింది. రేవంత్ ప్రభుత్వం ఏడాది పాలన ఒక లైన్లో అని ‘ǝuı̣ꓶ ǝuO uı̣ ǝןnꓤ ɹɐǝ⅄ ǝuO ʇuǝɯuɹǝʌoꓨ ɥʇuɐʌǝꓤ’ ఇలా ‘X’ పోస్ట్ చేసింది. దీనిపై ఇరుపార్టీల కార్యకర్తలు పోటాపోటీగా కామెంట్లు పెడుతున్నారు.