News July 31, 2024
ఆ ఇన్సూరెన్స్ ప్రీమియంలపై జీఎస్టీని ఉపసంహరించండి: నితిన్ గడ్కరీ
లైఫ్, మెడికల్ ఇన్సూరెన్స్ ప్రీమియంలపై 18% GSTని ఉపసంహరించుకోవాలని ఆర్థిక మంత్రి నిర్మలా సీతారామన్ను కేంద్ర మంత్రి నితిన్ గడ్కరీ కోరారు. బీమా రంగానికి సంబంధించిన సమస్యలపై నాగ్పుర్ ఉద్యోగుల యూనియన్ తనకు మెమోరాండం ఇచ్చిందని లేఖలో తెలిపారు. కుటుంబాలకు రక్షణ కల్పించే వీటిపై పన్ను విధించడం సరికాదని యూనియన్ భావిస్తున్నట్లు పేర్కొన్నారు. ఇందులో రూల్స్ సీనియర్ సిటిజన్లకు గందరగోళంగా ఉన్నాయన్నారు.
Similar News
News March 13, 2026
ఏపీ జెన్కో ALL TIME RECORD.. సీఎం అభినందన
ఏపీ జెన్కో ఈ నెల 11న 6,160 మెగా వాట్ల థర్మల్ విద్యుదుత్పత్తి చేయడం ద్వారా ఆల్ టైమ్ రికార్డును నమోదు చేసింది. ఇందులో భాగస్వాములైన ఉద్యోగులు, సిబ్బందికి CM చంద్రబాబు శుభాకాంక్షలు తెలిపారు. ప్రాజెక్టుల గరిష్ఠ సామర్థ్యం 6,610 మెగా వాట్లు కాగా 93.19% ఉత్పత్తి సాధించడం గొప్ప విషయమన్నారు. కూటమి ప్రభుత్వ 20 నెలల పాలనలో విద్యుత్ రంగం పుంజుకుని వెలుగులు విరజిమ్ముతోంది అనేందుకు ఈ ఘనత సాక్ష్యమని తెలిపారు.
News March 13, 2026
ఇరాన్లో ఈరోజు ఏం జరుగుతుందో చూడండి: ట్రంప్
ఇరాన్పై నేడు విరుచుకుపడనున్నట్లు అమెరికా హింట్ ఇచ్చింది. ఈరోజు ఏం జరుగుతుందో చూడండని ట్రంప్ ప్రకటించారు. ఇరాన్కు నేవీ, ఎయిర్ ఫోర్స్ లేవని.. మిసైల్స్, డ్రోన్లను కూడా ధ్వంసం చేస్తున్నామన్నారు. US అంచనా తప్పిందన్న కథనాలకు కౌంటర్ ఇస్తూ.. వాటిని చదివి అమెరికా ఓడిపోతోందని భ్రమపడొద్దని ప్రజలకు సూచించారు. 47ఏళ్లుగా అమాయకులను చంపుతున్న వారిని US 47వ అధ్యక్షుడిగా అంతం చేయడం తనకు దక్కిన గౌరవమన్నారు.
News March 13, 2026
‘క్రీమీ లేయర్’పై సుప్రీంకోర్టు కీలక తీర్పు
OBC రిజర్వేషన్ల కోసం క్రీమీ లేయర్ హోదాను తల్లిదండ్రుల ఆదాయాన్ని బట్టి మాత్రమే నిర్ణయించలేమని సుప్రీంకోర్టు స్పష్టం చేసింది. ఆయా సంస్థల్లో వారి పదవులు, హోదానూ పరిగణనలోకి తీసుకోవాల్సి ఉంటుందని తెలిపింది. సివిల్స్ పరీక్షను క్లియర్ చేసినా క్రీమీ లేయర్లో పొరపాటున చేర్చడంతో నష్టపోయిన అభ్యర్థులకు ఊరట కల్పించింది. వారి అపాయింట్మెంట్స్ను నిరాకరిస్తూ కేంద్రం వేసిన పిటిషన్లను తోసిపుచ్చింది.