News August 1, 2024
నాపై దుష్ర్పచారం చేస్తున్నారు: ఎమ్మెల్యే దగ్గుబాటి
తన వ్యాఖ్యలను వక్రీకరించి దుష్ర్పచారం చేస్తున్నారని అనంతపురం <<13742806>>ఎమ్మెల్యే<<>> దగ్గుబాటి ప్రసాద్ మండిపడ్డారు. ‘అసాంఘిక కార్యకలాపాలకు తావులేకుండా అనంతపురం క్లబ్ అభివృద్ధికి కృషి చేస్తానని చెప్పా. పేకాట నిర్వహణకు సహకరిస్తానని చెప్పలేదు. నేను అలాంటి వ్యాఖ్యలు చేసినట్లు జరుగుతున్న ప్రచారంలో వాస్తవం లేదు. పేకాట శిబిరాలతో డబ్బు సంపాదించాల్సిన అవసరం నాకు లేదు’ అని ఎమ్మెల్యే తెలిపారు.
Similar News
News October 1, 2024
చేనేత కార్మికులకు ప్రభుత్వం అండగా ఉంటుంది: మంత్రి సవిత
చేనేత కార్మికులకు ప్రభుత్వం అండగా ఉంటుందని బీసీ సంక్షేమ శాఖ మంత్రి సవిత పేర్కొన్నారు. సోమవారం సాయంత్రం పెనుకొండలోని క్యాంప్ కార్యాలయంలో మాట్లాడుతూ.. యువతీ, యువకుల అభిరుచులకు అనుగుణంగా కొత్త కొత్త డిజైన్లు రూపకల్పన చేస్తున్నామని, ఆ డిజైన్లపై చేనేత కార్మికులకు శిక్షణ ఇస్తున్నామన్నారు. శిక్షణతో సరిపెట్టకుండా చేనేత వస్త్రాలకు మార్కెట్ సదుపాయం కూడా కల్పిస్తామన్నారు.
News September 30, 2024
అనంతపురం: 46 మంది పోలీసులకు ప్రశంసా పత్రాలు
అనంతపురం జిల్లాలో మంచి పనితీరు కనబర్చిన 46 మంది పోలీసు సిబ్బందికి SP జగదీష్ అభినందిస్తూ ప్రశంసా పత్రాలు అందజేశారు. ఈ సందర్భంగా ఆయన మాట్లాడుతూ.. నిందితులను సకాలంలో కోర్టు ముందు హాజరుపరిచి శిక్షలు పడేలా, హత్యా కేసుల్లో యావజ్జీవ శిక్షలు పడేలా కోర్టులకు సహకరించడం, ఏటీఎం కేసుల్లో ముద్దాయిలను అరెస్ట్ చేయడంలో కృషి చేశారన్నారు.
News September 30, 2024
రాష్ట్రస్థాయి పోటీలకు తాడిపత్రి అమ్మాయి
తాడిపత్రి పట్టణంలోని కస్తూర్బాలో ఇంటర్ సెకండియర్ చదువుతున్న విద్యార్థిని కొప్పల నందిని రాష్ట్రస్థాయి క్రీడా పోటీలకు ఎంపికైనట్లు స్పెషల్ ఆఫీసర్ మునెమ్మ తెలిపారు. జిల్లా కేంద్రంలో జరిగిన స్కూల్ ఫెడరేషన్ గేమ్స్ జిల్లా స్థాయి పోటీలలో అండర్- 19 విభాగంలో ప్రతిభ చూపి రాష్ట్రస్థాయి పోటీలకు ఎంపికైంది. ఈ మేరకు విద్యార్థినిని పీఈటీ చంద్రకళ, ఉపాధ్యాయ సిబ్బంది అభినందించారు.