News August 3, 2024

జీతాలు చెల్లించాలని మంత్రికి వాలంటీర్ల విజ్ఞప్తి

AP: తమను విధుల్లోకి తీసుకోవాలని గత కొద్దిరోజులుగా వాలంటీర్లు అధికారులు, ప్రజాప్రతినిధులను వేడుకుంటున్నారు. తమకు రెండు నెలలుగా బకాయి పడ్డ గౌరవ వేతనం అందించాలని విజయవాడలో మంత్రి కొల్లు రవీంద్రను తాజాగా పలువురు కలిసి విజ్ఞప్తి చేశారు. వైసీపీ నేతల ఒత్తిడితో తాము చేసిన రాజీనామాలను బలవంతంగా చేసినవిగా గుర్తించాలని కోరారు. తిరిగి తమను విధుల్లోకి తీసుకోవాలని మంత్రికి వినతిపత్రం అందించారు.