News August 3, 2024
మహిళలకు వడ్డీలేని రుణాలు: భట్టి
TG: రాష్ట్రంలోని మహిళలకు రూ.20వేల కోట్ల వడ్డీలేని రుణాలు ఇవ్వాలని నిర్ణయించినట్లు డిప్యూటీ సీఎం భట్టి విక్రమార్క వెల్లడించారు. ఖమ్మం జిల్లా ముదిగొండ మండలం కమలాపురంలో ఆయన పర్యటించారు. మధిర నియోజకవర్గంలో త్వరలోనే ఇంటిగ్రేటెడ్ స్కూల్ పనులకు శంకుస్థాపన చేస్తామని తెలిపారు. అంగన్వాడీలో 3వ తరగతి వరకు ఏర్పాటు చేసి 4వ తరగతికి ఇంటిగ్రేటెడ్ రెసిడెన్షియల్ స్కూల్కు విద్యార్థులను పంపించేలా చేస్తామన్నారు.
Similar News
News March 19, 2026
జిల్లా ప్రజలకు ఉగాది శుభాకాంక్షలు: కలెక్టర్
సూర్యాపేట జిల్లా ప్రజలందరికీ కలెక్టర్ తేజస్ నంద్ లాల్ పవార్ ఉగాది పండుగ శుభాకాంక్షలు తెలిపారు. ఈ నూతన తెలుగు సంవత్సరం ప్రతి ఇంట్లో ఆనందం, ఆరోగ్యం, ఐశ్వర్యం నింపాలని ఆకాంక్షించారు. బుధవారం ఆయన ఒక ప్రకటన విడుదల చేస్తూ.. ఉగాది కొత్త ఆశలు, లక్ష్యాలకు శ్రీకారమని పేర్కొన్నారు. పర్యావరణాన్ని కాపాడుతూ, ప్లాస్టిక్ రహితంగా, పరిశుభ్రమైన వాతావరణంలో వేడుకలు జరుపుకోవాలని సూచించారు.
News March 19, 2026
బాపట్ల జిల్లాలో 7,338 LPG సిలిండర్లున్నాయి
జిల్లాలో LPG కొరత లేదని బాపట్ల DSO జమీర్ బాషా తెలిపారు. ప్రస్తుతం 7,338 సిలిండర్లు అందుబాటులో ఉన్నాయని వెల్లడించారు. సామాజిక మాధ్యమాల్లో వస్తున్న వదంతులను నమ్మవద్దని సూచించారు. జిల్లాలో 27 గ్యాస్ ఏజెన్సీలపై ప్రత్యేక పర్యవేక్షణ కొనసాగుతోందన్నారు. పట్టణాల్లో 25 రోజులు, గ్రామీణ ప్రాంతాల్లో 45 రోజుల తర్వాతే బుకింగ్ చేయాలని చెప్పారు. అవసరానికి మించి సిలిండర్లు నిల్వ చేయరాదని అన్నారు.
News March 19, 2026
జగిత్యాల: జీవన్ రెడ్డిని బుజ్జగించే ప్రయత్నాల్లో కాంగ్రెస్ అధిష్ఠానం.!
మాజీ మంత్రి జీవన్ రెడ్డిని బుజ్జగించే దిశగా కాంగ్రెస్ అధిష్ఠానం చర్యలు ప్రారంభించింది. ఈ క్రమంలో ఏఐసీసీ సభ్యుడు కత్తి వెంకటస్వామి జగిత్యాలలోని జీవన్ రెడ్డి నివాసానికి వెళ్లి సుమారు 30 నిమిషాల పాటు సమావేశమయ్యారు. అధిష్ఠానం ఆదేశాల మేరకు వచ్చినట్లు ఆయన తెలిపారు. జీవన్ రెడ్డి 40 ఏళ్ల అనుభవం కలిగిన నాయకులని, పార్టీ ఆయనను వదులుకోదని, చర్చించిన అంశాలను అధిష్ఠానం దృష్టికి తీసుకెళ్తానన్నారు.