News August 4, 2024
విద్యార్థిపై దాడి.. లోకేశ్‌కు లేఖ
తన బిడ్డపై కరస్పాండెంట్ దాడి చేశాడని ఓ తండ్రి నారా లోకేశ్‌కు లేఖ రాశారు. ‘ నా బిడ్డ ములకలచెరువులోని SPVB పాఠశాలలో 6వ తరగతి చదువుతున్నాడు. బిడ్డపై ఆ స్కూల్ కరస్పాండెంట్ పైశాచికంగా దాడి చేశాడు. పాఠశాలలో బంధించడంతో తప్పించుకుని నా వద్దకు వచ్చాడు. ములకలచెరువు పోలీసులకు ఫిర్యాదు చేసినా పట్టించుకోలేదు’ అని శ్రీసత్యసాయి జిల్లా కుక్కంటి క్రాస్‌కు చెందిన విద్యార్థి తండ్రి ఇక్బాల్ ఆరోపించారు.
Similar News
News January 12, 2025
చిత్తూరు: ఇద్దరి కూతుళ్లపై తండ్రి అఘాయిత్యం.. అరెస్ట్
నిమ్మనపల్లెలో పిల్లలపై తండ్రి అఘాయిత్యానికి పాల్పడ్డ కేసులో నిందితుడిని పోలీసులు అరెస్టు చేశారు. మదనపల్లె డీఎస్పీ కొండయ్య నాయుడు వివరాల మేరకు.. నిమ్మనపల్లెకు చెందిన బోయకొండ (28)కు నలుగురు కుమార్తెలు, ఒక కుమారుడు ఉన్నారు. సుమారు 9ఏళ్ల ఇద్దరు కుమార్తెలతో బోయకొండ అమానుష ఘటనకు పాల్పడడం భార్య చూసింది. ఆమె ఫిర్యాదుతో పోక్సో కేసు నమోదు చేయగా శనివారం నిమ్మనపల్లెలో అరెస్టు చేశామని పోలీసులు తెలిపారు.
News January 12, 2025
కాణిపాకం: స్వామివారి సేవలో ప్రిన్సిపల్ సెక్రటరీ
కాణిపాకం శ్రీ వరసిద్ధి వినాయక స్వామివారిని ఎలక్షన్ కమిషన్ ప్రిన్సిపల్ సెక్రటరీ చక్రవర్తి కుటుంబ సమేతంగా శనివారం సాయంత్రం దర్శించుకున్నారు. ఆలయ అధికారులు వారికి ఘనస్వాగతం పలికారు. స్వామివారి దర్శనం అనంతరం ఆలయ తీర్థ ప్రసాదాలతో పాటు చిత్రపటాన్ని అందజేశారు. వేద పండితులు వేద ఆశీర్వచనాలు ఇచ్చారు. ఈ కార్యక్రమంలో ఏఈఓ రవీంద్రబాబు, ఆలయ సూపరింటెండెంట్ వాసు పాల్గొన్నారు.
News January 11, 2025
చిత్తూరు: కోడిపందాలు నిర్వహిస్తే చర్యలు
సంక్రాంతి పండగను పురస్కరించుకొని జిల్లాలోని పట్టణాలు, గ్రామాలు, శివార్లు,ఇతర ప్రాంతాల్లో కోడి పందాలు, పేకాట వంటి జూదాలు నిర్వహించడం పూర్తిగా నిషిద్ధమని SP మణికంఠ చందోలు స్పష్టం చేశారు. ఎవరైనా ఈ కార్యకలాపాలకు పాల్పడినా, ప్రోత్సహించినా, సంప్రదాయ క్రీడల పేరుతో అసాంఘిక కార్యకలాపాలకు పాడ్పడినా, వారిపై కఠిన చట్టపరమైన చర్యలు తప్పవని హెచ్చరించారు. వీటిపై పోలీసులకు సమాచారం ఇవ్వాలన్నారు.