News August 4, 2024
టీమ్ ఇండియాలో ప్రయోగాలు కొనసాగిస్తాం: బౌలింగ్ కోచ్
టీమ్ ఇండియా కోచ్‌గా గంభీర్ తన మొదటి సిరీస్‌లోనే ప్రయోగాలకు తెర తీశారు. గిల్, సూర్య, రింకూ వంటి బ్యాటర్లతో బౌలింగ్ చేయించారు. ఇకపైనా ప్రయోగాలు కొనసాగుతాయని భారత బౌలింగ్ కోచ్ బహుతులే వెల్లడించారు. ‘మన బ్యాటర్లలో బౌలింగ్ సత్తా కూడా ఉంది. కానీ దానిపై దృష్టి పెట్టడం లేదంతే. టాప్ ఆర్డర్ బ్యాటర్లు బౌలింగ్ చేయడం జట్టుకు అవసరం. మున్ముందూ వారితో బౌలింగ్ చేయిస్తాం’ అని వెల్లడించారు.
Similar News
News January 21, 2025
అమితాబ్ అపార్ట్‌మెంట్‌కు రూ.83కోట్లు!
అమితాబ్ బచ్చన్ ముంబై ఓషివారాలోని తన డూప్లెక్స్ అపార్ట్‌మెంట్‌ను ₹83కోట్లకు అమ్మేశారు. ఆయనకు 168% ప్రాఫిట్ వచ్చినట్లు తెలుస్తోంది. 2021 ఏప్రిల్‌లో ఆయన దీనిని ₹31కోట్లకు కొన్నారు. నవంబర్‌లో హీరోయిన్ కృతి సనన్‌కు నెలకు ₹10లక్షలకు రెంట్‌కు ఇచ్చారు. ఈ అపార్ట్‌మెంట్ విస్తీర్ణం 5,185 sq ft ఉంటుందని సమాచారం. కాగా బిగ్ బి ఫ్యామిలీ గత ఏడాది రియల్ ఎస్టేట్‌లో ₹100cr ఇన్వెస్ట్ చేసినట్లు వార్తలొస్తున్నాయి.
News January 21, 2025
బ్యాంక్ ఖాతాదారులకు ALERT
పంజాబ్ నేషనల్ బ్యాంక్ కస్టమర్లకు బిగ్ అలర్ట్. KYC వివరాలను అప్‌డేట్ చేయని కస్టమర్లు జనవరి 23 నుంచి తమ ఖాతాలను ఉపయోగించలేరు. ఇందుకోసం ఓటర్, ఆధార్, పాన్ కార్డు, డ్రైవింగ్ లైసెన్సు, విద్యుత్ బిల్లు వంటి వాటిల్లో ఏదో ఒక పత్రం సమర్పించి KYC చేయించాలి. వీటి వివరాలను పరిశీలించి బ్యాంక్ ఖాతాదారుల వివరాలను అప్‌డేట్ చేస్తుంది. ఇంటర్నెట్ బ్యాంకింగ్ లేదంటే నేరుగా బ్రాంచ్‌లో అయినా ఇది చేయవచ్చు.
News January 21, 2025
ఇండియాలో టేలర్ స్విఫ్ట్ ప్రదర్శన!
అమెరికన్ స్టార్ సింగర్ టేలర్ స్విఫ్ట్ తొలిసారి ఇండియాలో ప్రదర్శన ఇవ్వనున్నట్లు తెలుస్తోంది. బిలియనీర్ గౌతమ్ అదానీ చిన్న కుమారుడు జీత్ అదానీ ప్రీ వెడ్డింగ్ వేడుకలో టేలర్ ప్రదర్శన ఇస్తారని సినీవర్గాలు తెలిపాయి. అత్యంత పాపులర్ సింగర్ పర్ఫార్మెన్స్ కావడంతో దీనికి సంబంధించిన ఏర్పాట్లు కూడా చేస్తున్నట్లు తెలుస్తోంది. ఇప్పటికే అదానీ టీమ్ చర్చలు జరిపిందని, త్వరలో దీనిపై క్లారిటీ వస్తుందని పేర్కొన్నాయి.