News August 8, 2024
నేడు స్కూల్ మేనేజ్మెంట్ ఎన్నికలు
AP: రాష్ట్రవ్యాప్తంగా ఇవాళ స్కూల్ మేనేజ్మెంట్ ఎన్నికలు జరగనున్నాయి. ఇప్పటికే ఓటర్ల జాబితాలను పాఠశాలల్లో ప్రదర్శించారు. ఎన్నిక విధానం చేతులు ఎత్తడం లేదా చెప్పడం ద్వారా ఉంటుంది. ఎన్నికైన మొత్తం 15 మంది సభ్యుల్లో ఒకరిని ఛైర్మన్గా, మరొకరిని వైస్ ఛైర్మన్గా ఎన్నుకుంటారు. ఇవాళే ప్రమాణస్వీకారం చేసి తొలి కమిటీ సమావేశం కూడా నిర్వహించనున్నారు. ఈ సమావేశంలో ఇద్దరు కో-ఆప్షన్ సభ్యులనూ నియమిస్తారు.
Similar News
News March 10, 2026
జాబ్ హగ్గింగ్.. ఏంటిది?
కరోనా తర్వాత ‘క్వైట్ క్విట్టింగ్’, ‘కెరీర్ కుషనింగ్’ వంటి ట్రెండ్స్ చూశాం. ఇప్పుడు ‘జాబ్ హగ్గింగ్’ వంతు. అంటే.. ప్రస్తుత ఉద్యోగంలో సంతృప్తి లేకపోయినా, గ్రోత్ లేకపోయినా.. ఆర్థిక అనిశ్చితి, లేఆఫ్స్ భయంతో ఉన్నా.. దాన్నే గట్టిగా పట్టుకొని ఉండటం. ఇది కంపెనీపై ప్రేమతో చేసేది కాదు. బయట పరిస్థితులు బాగోలేక భద్రత కోసం తీసుకుంటున్న కేర్. కొత్త రిస్క్ తీసుకోవడం కంటే వస్తున్న జీతాన్ని కాపాడుకోవడం అన్నమాట.
News March 10, 2026
IPL షెడ్యూల్పై అప్డేట్
IPL-2026 షెడ్యూల్పై అప్డేట్ వచ్చింది. ఈ నెల 12న బీసీసీఐ సెక్రటరీ షెడ్యూల్ విడుదల చేయనున్నట్లు IANS వెల్లడించింది. తొలుత 20 రోజుల షెడ్యూల్ రిలీజ్ చేస్తారని పేర్కొంది. కాగా మార్చి 28 నుంచి ఈ మెగా క్రికెట్ సమరం ప్రారంభం కానుంది. పలు రాష్ట్రాల అసెంబ్లీ ఎన్నికల దృష్ట్యా రెండు దశల్లో లీగ్ను నిర్వహించే అవకాశం ఉంది.
News March 10, 2026
చమురు సంక్షోభం.. చైనా ఎందుకు భయపడట్లేదు?
ప్రపంచవ్యాప్తంగా చమురు ధరలు మండుతున్నా ఇరాన్ నుంచి 90% ఆయిల్ను కొనే చైనా మాత్రం పెద్దగా ఆందోళన చెందట్లేదు. దీనికి కారణం ఆ దేశం నిల్వ చేసుకున్న 1.4 బిలియన్ బ్యారెళ్ల అత్యవసర నిల్వలే. అలాగే చైనాలో పెరిగిన ఎలక్ట్రిక్ వాహనాల వాడకం వల్ల చమురుపై ఆధారపడటం తగ్గింది. ఒకవేళ గల్ఫ్ దేశాల్లో సరఫరా నిలిచినా రష్యా నుంచి దిగుమతులు పెంచుకునే వెసులుబాటు ఉండటంతో చైనా ఈ చమురు సంక్షోభాన్ని తట్టుకోగల ధీమాతో ఉంది.