News August 9, 2024
VZM: కష్టమే పెట్టుబడి.. నమ్మితే ప్రాణమిస్తారు..!
కష్టమే వారి పెట్టుబడి.. నమ్మితే ప్రాణమిస్తారు.. మోసం చేస్తే మళ్లీ ముఖం కూడా చూడరు. కల్మషం లేని నవ్వు వారి సొంతం.. ఎవరికీ హాని తలపెట్టకూడదన్న స్వభావం వారి నైజం. పచ్చని చెట్లను ప్రేమిస్తూ.. వన్య ప్రాణులను లాలిస్తూ.. అడవితల్లి ఒడిలో సేదదీరుతూ.. మౌళిక సదుపాయాలు లేకున్నా ప్రకృతి ప్రసాదించే వనరులు వినియోగించుకుంటూ జీవనం సాగిస్తున్న ఉమ్మడి విజయనగరం గిరిజన సోదరులకు ప్రపంచ ఆదివాసీ దినోత్సవ శుభాకాంక్షలు.
Similar News
News March 17, 2026
20 లక్షల ఉద్యోగాల కల్పనే లక్ష్యం: మంత్రి కొండపల్లి
వచ్చే ఐదేళ్లలో 20 లక్షల ఉద్యోగాల కల్పనే లక్ష్యంగా పెట్టుకుని పని చేయాలని మంత్రి కొండపల్లి శ్రీనివాస్ తెలిపారు. మంగళవారం మంగళగిరిలోని ఆంధ్రప్రదేశ్ ఆర్థిక అభివృద్ధి మండలి (APEDB) నూతన కార్యాలయ ప్రారంభోత్సవంలో ఐటీ మంత్రి నారా లోకేశ్తో కలిసి ఆయన పాల్గొన్నారు. ఉద్యోగాల కల్పన కోసం అనేక సంస్థలను ఆహ్వానిస్తున్నట్లు తెలిపారు.
News March 17, 2026
VZM: రేపటి నుంచి దివ్యాంగులకు బస్సుల్లో ఉచిత ప్రయాణం
రాష్ట్ర ప్రభుత్వం ప్రతిష్ఠాత్మకంగా చేపట్టిన ‘దివ్యాంగ శక్తి’ పథకం రేపటి నుంచి ప్రారంభం కానున్నదని విజయనగరం జిల్లా ప్రజా రవాణాధికారి జి.వరలక్ష్మి తెలిపారు. 40% పైగా వైకల్యం ఉన్న వారు ఆర్టీసీ బస్సుల్లో ఉచితంగా ప్రయాణించవచ్చని పల్లె వెలుగు, మెట్రో, సిటీ ఆర్డినరీ, ఎక్స్ప్రెస్ సర్వీసుల్లో ఈ సౌకర్యం వర్తిస్తుందన్నారు. అలాగే అల్ట్రా డీలక్స్ బస్సుల్లో 50% రాయితీ పొందవచ్చు అన్నారు.
News March 17, 2026
VZM: పాసుపుస్తకాల పంపిణీ వేగవంతం చేయాలి
జిల్లాలో పట్టాదారు పాసుపుస్తకాల పంపిణీని వేగంగా పూర్తి చేయాలని జిల్లా కలెక్టర్ ఎస్.రాంసుందర్ రెడ్డి అధికారులను ఆదేశించారు. రాష్ట్ర స్థాయి వీసీ అనంతరం మంగళవారం అధికారులతో సమీక్ష నిర్వహించారు. ప్రతి నెలా 9వ తేదీలోపు పంపిణీ పూర్తి చేయాలని సూచించారు. ఎలాంటి తప్పులు లేకుండా పాసుపుస్తకాలు తయారు చేయాలని, రైతులకు ఇబ్బందులు కలగకుండా చూడాలని చెప్పారు. మ్యుటేషన్లను కూడా త్వరగా పూర్తి చేయాలని ఆదేశించారు.