News August 9, 2024
నాంపల్లి: భూదాన్ యజ్ఞ బోర్డు రద్దు కరెక్టే: హైకోర్టు
భూదాన్ యజ్ఞ బోర్డును రద్దు చేస్తూ రాష్ట్ర ప్రభుత్వం జారీ చేసిన ఉత్తర్వులు చట్టబద్ధమైనదని హైకోర్టు తీర్పు వెలువరించింది. గతంలో సింగిల్ జడ్జి ఇచ్చిన తీర్పును సవాల్ చేస్తూ బోర్డు ఛైర్మన్, మెంబర్స్ దాఖలు చేసిన అప్పీలును డిస్మిస్ చేసింది. అంతేకాకుండా ప్రత్యేక అధికారిగా రెవెన్యూ శాఖ ముఖ్య కార్యదర్శి నియామకాన్ని సమర్థించింది. బోర్డు రద్దు చేసే అధికారం ప్రభుత్వానికి ఉందని స్పష్టం చేసింది.
Similar News
News November 28, 2024
HYDలో మరో ముఠా.. ప్రజలు జాగ్రత్త..!
HYD ప్రజలు జాగ్రత్తగా ఉండాలని పోలీసులు సూచించారు. వీధుల్లో లేడీస్ సూట్లు, వెచ్చటి దుప్పట్లు, బెడ్ షీట్లు అమ్ముతూ దోపిడీలకు పాల్పడే ముఠా వచ్చిందన్నారు. ఈ ముఠా సభ్యులు కర్ణాటకలోని బీదర్, గుల్బర్గాలోని గ్యాంగ్‌స్టర్లు బట్టలు అమ్మేవారిగా, చౌకైన వస్తువులను విక్రయించే వారిగా కాలనీల్లోని గృహాలు, షాపుల్లో రెక్కీ నిర్వహిస్తారని శంకర్‌పల్లి సీఐ శ్రీనివాస్ గౌడ్ హెచ్చరించారు.
News November 27, 2024
జియో ఫిజిక్స్ విభాగంలో ప్రాజెక్ట్ ఫెల్లో పోస్టుకు దరఖాస్తుల ఆహ్వానం
ఉస్మానియా యూనివర్సిటీ జియో ఫిజిక్స్ విభాగంలోని సెంటర్ ఆఫ్ ఎక్స్ ప్లోరేషన్ జియో ఫిజిక్స్‌లో ప్రాజెక్ట్ ఫెల్లో పోస్టుకు దరఖాస్తులను ఆహ్వానిస్తున్నట్లు అధికారులు తెలిపారు. ‘గ్రావిటీ సర్వేస్ ఇన్ పార్ట్స్ ఆఫ్ గుజరాత్, ఇండియా’ పేరుతో నిర్వహిస్తున్న ప్రాజెక్టులో పనిచేసేందుకు ఆసక్తి ఉన్న వారు ఈ నెల 30వ తేదీలోగా దరఖాస్తులను తమ కార్యాలయంలో సమర్పించాలని సూచించారు.
News November 27, 2024
HYD: ఎన్యుమరేటర్లకు సహకరించాలి: వేం
రాష్ట్ర ప్రభుత్వం ప్రతిష్ఠాత్మకంగా నిర్వహిస్తున్న సమగ్ర కులగణన సర్వే అధికారులు, ఎన్యుమరేటర్లు ప్రభుత్వ సలహాదారుడు వేం నరేందర్ రెడ్డి నివాసానికి వెళ్లారు. ఆయన సర్వేలో కుటుంబ వివరాలు తెలిపారు. అధికారులకు ప్రతి కుటుంబం సహకరించాలని తెలిపారు. ఈ సర్వే ప్రతి కుటుంబ సామాజిక, ఆర్థిక, విద్య, ఉపాధి అవకాశాలకు ప్రణాళిక వేయటానికి ఉపయోగపడుతుందని వేం నరేందర్ రెడ్డి అన్నారు.