News August 12, 2024

అకౌంట్లలో డబ్బులు పడ్డాయ్

AP: గత రబీకి సంబంధించిన రూ.674 కోట్ల ధాన్యం బకాయిలను మంత్రి నాదెండ్ల మనోహర్ విడుదల చేశారు. ఏలూరులో జరిగిన కార్యక్రమంలో ఆయన మాట్లాడారు. ‘వైసీపీ ప్రభుత్వం ఆర్థిక అరాచకాలకు పాల్పడింది. ఆర్థిక కష్టాలు ఉన్నప్పటికీ గత నెలలో 49,350 మంది రైతులకు రూ.వెయ్యి కోట్ల ధాన్యం బకాయిలను చెల్లించాం. ఇవాళ మరో 35,374 మందికి రూ.674 కోట్లు అందించాం. రాబోయే ఖరీఫ్‌లో 48 గంటల్లోనే రైతుల ఖాతాల్లో జమ చేస్తాం’ అని తెలిపారు.