News August 13, 2024
తిరుపతి జిల్లాకు పవన్ కళ్యాణ్.. అంతా అప్రమత్తం
తిరుపతి జిల్లాలో పవన్ కళ్యాణ్ ఇవాళ పర్యటించనున్నారు. ఆయన హైదరాబాద్ నుంచి రేణిగుంట విమానాశ్రయానికి చేరుకుంటారు. అక్కడి నుంచి ప్రత్యేక హెలికాప్టర్‌లో శ్రీహరికోటలోని రాకెట్ కేంద్రానికి వెళ్తారు. ఒకవేళ వాతావరణం అనుకూలించకపోతే రోడ్డు మార్గాన వెళ్లడానికి అధికారులు ఏర్పాట్లు చేశారు. షార్‌లోని ఒకటి, రెండు గేట్ల వద్ద భద్రతను కట్టుదిట్టం చేసిన అధికారులు ఇప్పటికే కాన్వాయ్ రిహార్సల్ చేపట్టారు.
Similar News
News January 11, 2025
చిత్తూరు: కోడిపందాలు నిర్వహిస్తే చర్యలు
సంక్రాంతి పండగను పురస్కరించుకొని జిల్లాలోని పట్టణాలు, గ్రామాలు, శివార్లు,ఇతర ప్రాంతాల్లో కోడి పందాలు, పేకాట వంటి జూదాలు నిర్వహించడం పూర్తిగా నిషిద్ధమని SP మణికంఠ చందోలు స్పష్టం చేశారు. ఎవరైనా ఈ కార్యకలాపాలకు పాల్పడినా, ప్రోత్సహించినా, సంప్రదాయ క్రీడల పేరుతో అసాంఘిక కార్యకలాపాలకు పాడ్పడినా, వారిపై కఠిన చట్టపరమైన చర్యలు తప్పవని హెచ్చరించారు. వీటిపై పోలీసులకు సమాచారం ఇవ్వాలన్నారు.
News January 11, 2025
BREAKING: తిరుపతిలో వ్యక్తిపై చిరుత పులి దాడి
ముని కుమార్ అనే వ్యక్తిపై చిరుత పులి దాడి చేసిన ఘటన తిరుపతిలోని సైన్స్ సెంటర్ ఎదురుగా చోటు చేసుకుంది. దీంతో బాధితుడిని స్థానిక ఆసుపత్రికి తరలించారు. బైక్‌పై వెళ్తుండగా ఒక్కసారిగా మునికుమార్‌పై చిరుత దాడిచేయడంతో కిందపడ్డాడు. గుర్తించిన స్థానికులు ఆసుపత్రికి తరలించారు. పట్టపగలే చిరుత దాడి చేయడంతో స్థానికులు భయాందోళనకు గురవుతున్నారు.
News January 11, 2025
నేను ఎక్కడికి పారిపోను: చెవిరెడ్డి
న్యాయం తనవైపు ఉందని, తాను ఎక్కడికి పారిపోనని YCP నేత చెవిరెడ్డి భాస్కర్ రెడ్డి అన్నారు. ఆయనపై నమోదైన పోక్సో కేసును కొట్టివేయాలంటూ వేసిన పిటిషన్‌ను హైకోర్టు కొట్టివేసిన నేపథ్యంలో ఆయన ఈ వాఖ్యలు చేశారు. ఈ కేసులో పోలీసులు చెప్పిదంతా అబద్ధం అన్న చెవిరెడ్డి.. తనకు సుప్రీంకోర్టులో అయినా న్యాయం దక్కుతుందని ధీమా వ్యక్తం చేశారు. అప్పటి వరకు తాను ఎక్కడికి వెళ్లనని, తన ఫోను కూడా ఆఫ్ చేయనని స్పష్టం చేశారు.