News August 16, 2024

24 గంటలపాటు వైద్యసేవలు బంద్: IMA

దేశవ్యాప్తంగా 24 గంటలపాటు వైద్యసేవలు బంద్ చేస్తున్నట్లు ఇండియన్ మెడికల్ అసోసియేషన్ ప్రకటించింది. ఇవాళ ఉదయం 6 గంటల నుంచి రేపు ఉదయం 6 గంటల వరకు ఎలాంటి ఓపీలు తీసుకోమని, శస్త్రచికిత్సలు చేయమని తెలిపింది. అత్యవసర వైద్య సేవలు మాత్రమే అందిస్తామని స్పష్టం చేసింది. కాగా కోల్‌కతాలోని ఆర్జీకార్ ఆస్పత్రిలో ట్రైనీ వైద్యురాలిపై హత్యాచార ఘటనకు వ్యతిరేకంగా ఈ నిరసన తెలుపుతున్నట్లు ఐఎంఏ పేర్కొంది.