News August 16, 2024
పవన్తో ఆద్య సెల్ఫీ.. రేణూదేశాయ్ ఏమన్నారంటే?
స్వాతంత్య్ర దినోత్సవం సందర్భంగా dy.CM పవన్ కళ్యాణ్ తన కూతురు ఆద్యతో సెల్ఫీ తీసుకున్నారు. ఈ ఫొటో సోషల్ మీడియాలో వైరల్గా మారింది. ఇదే ఫొటోపై రేణూ దేశాయ్ తన ఇన్స్టాలో ఓ పోస్ట్ పెట్టారు. ‘తన నాన్నతో సమయం గడుపుతానని ఆద్య నన్ను అడగ్గానే సంతోషమేసింది. ఉన్నత వ్యక్తుల జీవితం ఆమె చూడాలనుకోవడంతో ఆనందం కలిగింది. ప్రజలకు వాళ్ల నాన్న చేసే సేవలను ఆద్య అర్థం చేసుకుంది’ అంటూ ఆమె పేర్కొన్నారు.
Similar News
News December 30, 2025
2025: క్రీడల్లో మన సివంగులదే డామినేషన్
ఈ ఏడాది క్రీడల్లో భారత మహిళలు సత్తా చాటారు. వన్డే WC, తొలి అంధుల మహిళా టీ20 ప్రపంచకప్ మన ఆడబిడ్డలే గెలుచుకున్నారు. కబడ్డీ WCను దక్కించుకున్నారు. ఇక ఫిడే ఉమెన్స్ గ్రాండ్ స్విస్ 2025 ఛాంపియన్గా వైశాలి నిలిచారు. హాకీ ఆసియా కప్, అథ్లెటిక్స్, వరల్డ్ బాక్సింగ్ కప్లోనూ భారత నారీమణులు ఆధిపత్యాన్ని ప్రదర్శించారు. రెట్టించిన ఉత్సాహంతో వచ్చే ఏడాదికి సరికొత్త లక్ష్యాలను నిర్దేశించారు.
News December 30, 2025
అలా సందుల్లో దూరడం విజ్ఞత అనిపించుకోదు.. సజ్జనార్ స్వీట్ వార్నింగ్
TG: న్యూ ఇయర్ వేడుకల వేళ యువతకు హైదరాబాద్ సీపీ సజ్జనార్ హెచ్చరికలు జారీ చేశారు. చౌరస్తాల్లో డ్రంక్ అండ్ డ్రైవ్ తనిఖీలు ఉంటాయనే భయంతో సందుల్లో దూరి, ప్రమాదకరంగా వాహనాలు నడపడం విజ్ఞత అనిపించుకోదని స్పష్టం చేశారు. మద్యం మత్తులో వాహనం నడపడం మృత్యువును ఆహ్వానించడమేనని, ఒకవేళ యముడు వదిలేసినా చట్టం వదలదన్నారు. ‘మీ ప్రాణం విలువ మాకు తెలుసు. కాబట్టే ఈ హెచ్చరిక’ అని ట్వీట్ చేశారు.
News December 30, 2025
సమయం పెంపు.. రెండు రోజులు కిక్కే కిక్కు
AP: న్యూఇయర్ సందర్భంగా మద్యం అమ్మకాల పని వేళలను ఎక్సైజ్ శాఖ పొడిగించింది. డిసెంబర్ 31, జనవరి 1 తేదీల్లో అర్ధరాత్రి 12 గంటల వరకు అమ్ముకునేందుకు మద్యం షాపులకు పర్మిషన్ ఇచ్చింది. బార్లు, ఇన్-హౌస్, ఈవెంట్లకు పర్మిట్ లైసెన్సులు ఉన్న వారికి రాత్రి ఒంటిగంట వరకు అనుమతి ఇచ్చింది. మరోవైపు రాష్ట్రంలోకి నాన్ డ్యూటీ పెయిడ్ లిక్కర్, నాటు సారా రాకుండా అధికారిక పనివేళలు పెంచినట్లు తెలిపింది.