News August 18, 2024
ఒకే కుటుంబంలో 18మంది మృతి.. గాజాలో ఘోరం
గాజాలోని జవైదా పట్టణంపై ఇజ్రాయెల్ తాజాగా చేసిన దాడుల్లో ఒకే కుటుంబానికి చెందిన 18మంది మృత్యువాత పడ్డారు. సమీ జవాద్ అల్-ఎజ్లా అనే వ్యాపారి, అతడి ఇద్దరు భార్యలు, 11మంది పిల్లలు, మరో నలుగురు కుటుంబీకులు చనిపోయారని అల్-అక్సా ఆసుపత్రి తెలిపింది. ఈ ఘటనపై దర్యాప్తు జరుపుతున్నట్లు ఇజ్రాయెల్ వివరించింది. కాల్పుల విరమణ ఒప్పందంపై హమాస్-ఇజ్రాయెల్ చర్చలు అసంపూర్తిగా ముగిసిన సంగతి తెలిసిందే.
Similar News
News July 7, 2025
జీవితంలో సవాళ్లను స్వీకరించాలి: మంత్రి లోకేశ్
AP: 2019 ఎన్నికల్లో ఓటమి బాధ తనలో కసి పెంచిందని, ఫలితమే 2024 ఎన్నికల్లో మెజార్టీ అని మంత్రి లోకేశ్ చెప్పారు. జీవితంలో సవాళ్లను స్వీకరించాలని, అదే ప్రేరణతో విద్యాశాఖను తీసుకున్నట్లు పేర్కొన్నారు. నెల్లూరులో రూ.15 కోట్లతో అధునీకరించిన ప్రభుత్వ స్కూల్‌ను ఆయన సందర్శించారు. పేదరిక నిర్మూలనే P4 లక్ష్యమని మంత్రి చెప్పారు. అంతకుముందు స్కూళ్లోని తరగతి గదులను పరిశీలించిన ఆయన విద్యార్థులతో ముచ్చటించారు.
News July 7, 2025
ICC CEOగా సంజోగ్ గుప్తా
ICC CEOగా భారత్‌కు చెందిన సంజోగ్ గుప్తా నియమితులయ్యారు. ఇవాళ్టి నుంచి ఆయన ఈ పదవిలో కొనసాగుతారని ICC ప్రకటించింది. సంజోగ్ ప్రస్తుతం జియోస్టార్‌లో స్పోర్ట్స్, లైవ్ ఎక్స్‌పీరియన్స్ CEOగా ఉన్నారు. ఢిల్లీ వర్సిటీ నుంచి ఎకనామిక్స్‌లో B.A పట్టా పొందిన ఆయన జర్నలిస్టుగా కెరీర్‌ను ప్రారంభించారు. టీవీ నెట్‌వర్క్‌లో క్రమంగా ఎదుగుతూ వచ్చారు. ఇప్పుడు ICC CEO పదవి చేపట్టిన ఏడో వ్యక్తిగా నిలిచారు.
News July 7, 2025
జగన్ పర్యటనకు పోలీసుల అనుమతి
AP: వైసీపీ అధినేత జగన్ ఎల్లుండి చిత్తూరు జిల్లా బంగారుపాళ్యం పర్యటనకు పోలీసులు షరతులతో కూడిన అనుమతి ఇచ్చారు. మామిడి రైతులను పరామర్శించే మార్కెట్ యార్డు చిన్నది కావడంతో జగన్‌తో పాటు 500 మంది మాత్రమే ఉండాలని ఆంక్షలు విధించారు. పర్యటనలో ఎలాంటి ర్యాలీలు, రోడ్‌షోలు చేయకూడదని నిబంధన పెట్టారు. గత పర్యటనల్లో జరిగిన ఘటనలను దృష్టిలో పెట్టుకుని పోలీసులు జాగ్రత్తలు పాటిస్తున్నారు.