News August 18, 2024
విశాఖలో ఇద్దరు బాలికలపై అత్యాచారయత్నం
ఓ పాత నేరస్థుడు అత్యాచారానికి ప్రయత్నించిన ఘటన విశాఖలో వెలుగు చూసింది. బాధిత కుటుంబ సభ్యుల వివరాలు మేరకు.. జీవీఎంసీ 52వ వార్డులో ఇద్దరు బాలికలు (6, 12ఏళ్లు) శనివారం సాయంత్రం ఇంటి పరిసరాల్లో ఆడుకుంటున్నారు. వారిని చూసిన పాత నేరస్థుడు మోహన్ కన్నా అలియాస్ పండు(24) వారి నోట్లో గుడ్డలు కుక్కి అత్యాచారాని ప్రయత్నించాడు. ఇది చూసిన స్థానికులు అతడికి దేహశుద్ధి చేశారు. కంచరపాలెం పోలీసులు కేసు నమోదు చేశారు.
Similar News
News July 7, 2025
విశాఖ: పోలీస్ సిబ్బందికి ఏసీ హెల్మెట్లు అందజేత
ఆర్కే బీచ్ వద్ద పోలీస్ విభాగానికి వివిధ సంస్థలు, ప్రభుత్వం సమకూర్చిన ఏసీ హెల్మెట్లు, టూవీలర్స్, ఇతర సామగ్రిని హోం మంత్రి వంగలపూడి అనిత సోమవారం అందజేశారు. పోలీస్ సిబ్బందికి మౌలిక వసతులు అందిస్తే మరింత సమర్థవంతంగా పనిచేస్తారని ఆమె అన్నారు. దాదాపు రూ.70 లక్షలతో 20 హెల్మెట్లు, 64 ద్విచక్ర వాహనాలు, రెండు కెమెరాలు అందజేసినట్లు పోలీస్ కమిషనర్ తెలిపారు.
News July 7, 2025
ఆనందపురం: లారీని ఢీకొన్న కారు.. తండ్రి మృతి, కుమారుడికి గాయాలు
ఆనందపురం జాతీయ రహదారిపై ఆగి ఉన్న లారీని కారు ఢీకొనడంతో ఒకరు అక్కడికక్కడే మృతి చెందగా మరొకరు తీవ్రంగా గాయపడ్డారు. పార్వతీపురం జియమ్మవలసకు చెందిన కరకవలస రమణమూర్తి తన కుమారుడితో కలిసి కారులో మద్దిలపాలెంలోని అల్లుడు ఇంటికి వస్తున్నారు. ఆనందపురం హైవే బ్రిడ్జి వద్ద ఆగి ఉన్న లారీని వీరి కారు ఢీకొంది. రమణమూర్తి అక్కడికక్కడే చనిపోగా తీవ్ర గాయాలపాలైన సంతోష్‌ను ఆసుపత్రికి తరలించినట్లు ఆనందపురం సీఐ తెలిపారు.
News July 7, 2025
విశాఖ: ’10 వేల మంది మార్గ‌ద‌ర్శుల‌ను గుర్తించాలి’
పీ-4 విధానానికి అత్య‌ధిక ప్రాధాన్య‌త ఇచ్చి ప‌ని చేయాల‌ని, జిల్లాలో గుర్తించిన బంగారు కుటుంబాల అవసరాలను తెలుసుకోవాల‌ని క‌లెక్ట‌ర్ హ‌రేంధిర ప్ర‌సాద్ అధికారులను ఆదేశించారు. సోమవారం కలెక్షరేట్లో అధికారులతో సమావేశమయ్యారు. బంగారు కుటుంబాలను ద‌త్త‌త తీసుకునేందుకు ముందుకు వ‌చ్చే మార్గ‌ద‌ర్శుల‌ను వారం రోజుల్లో గుర్తించాల‌ని ఆదేశించారు. స‌చివాల‌యం ప‌రిధిలో 50 బంగారు కుటుంబాల అవసరాలను గుర్తించాలన్నారు.