News August 19, 2024
త్రివిక్రమ్‌తో విభేదాలపై హరీశ్ శంకర్ ఏమన్నారంటే?
మాటల మాంత్రికుడు త్రివిక్రమ్‌తో విభేదాలు ఉన్నాయనే ప్రచారంపై దర్శకుడు హరీశ్ శంకర్ స్పందించారు. తాను అసిస్టెంట్ డైరెక్టర్ అవ్వక ముందు నుంచే త్రివిక్రమ్ డైలాగ్స్ రాస్తున్నారని గుర్తు చేశారు. తన తండ్రి గురూజీకి పెద్ద ఫ్యాన్ అని ‘మిస్టర్ బచ్చన్’ మూవీ చిట్‌చాట్‌లో తెలిపారు. త్రివిక్రమ్ అంటే తనకు గౌరవమని, ఆయన చాలా సీనియర్ అని పేర్కొన్నారు. తమ ఇద్దరిపై జరుగుతున్న ప్రచారం చూసి నవ్వుకుంటానని తెలిపారు.
Similar News
News January 22, 2025
BIG BREAKING: రాష్ట్రానికి భారీ పెట్టుబడి
తెలంగాణలో రూ.45,500 కోట్ల పెట్టుబడులకు సన్ పెట్రో కెమికల్స్ రాష్ట్ర ప్రభుత్వంతో ఎంవోయూ చేసుకుంది. ఇందులో భాగంగా ఆ కంపెనీ భారీ పంప్డ్ స్టోరేజీ పవర్, సోలార్ పవర్ ప్రాజెక్టు చేపట్టనుంది. నాగర్ కర్నూల్, మంచిర్యాల, ములుగు ప్రాంతాల్లో ప్రాజెక్టులు రానున్నాయి. 7వేల మందికి ఉపాధి లభించే అవకాశం ఉంది. సీఎం రేవంత్ దావోస్ పర్యటనలో ఈ ఎంవోయూ జరిగింది.
News January 22, 2025
దారుణం.. భార్యను ముక్కలుగా నరికి కుక్కర్‌లో ఉడికించాడు!
హైదరాబాద్ మీర్‌పేట్‌లో వెంకట మాధవి (35) అనే మహిళ హత్య కేసులో విస్తుగొలిపే విషయాలు వెలుగు చూశాయి. ఆమెపై అనుమానంతో భర్త గురుమూర్తే చంపి, మృతదేహాన్ని ముక్కలుగా చేసినట్లు దర్యాప్తులో తేలింది. వాటిని కుక్కర్‌లో ఉడికించి, ఆ తర్వాత జిల్లెలగూడ చెరువులో పడేసినట్లు పోలీసులు గుర్తించారు. ఈనెల 18 నుంచి మాధవి కనిపించకుండా పోయింది. ఆమె తల్లిదండ్రులతో కలిసి భర్త కూడా పోలీసులకు ఫిర్యాదు చేయడం గమనార్హం.
News January 22, 2025
‘ఉబర్’లో కొత్త మోసం!
ప్రముఖ రైడ్ షేరింగ్ యాప్ ‘ఉబర్’పై నెట్టింట విమర్శలొస్తున్నాయి. మొబైల్ ఛార్జింగ్ పర్సంటేజ్‌ను బట్టి ట్రిప్ ఛార్జిని నిర్ణయిస్తున్నట్లు ఓ నెటిజన్ చేసిన ట్వీట్ వైరలవుతోంది. ఫుల్ ఛార్జింగ్ నుంచి తక్కువ పర్సంటేజ్ గల నాలుగు మొబైల్స్‌లో ఒకే లొకేషన్‌కు ఉబర్‌లో బుకింగ్స్ చెక్ చేశారు. ఛార్జింగ్ తక్కువగా ఉన్న మొబైల్‌లో ఎక్కువ, ఫుల్ ఛార్జి ఉన్నదాంట్లో తక్కువ ధర చూపించింది. ఈ మోసాన్ని మీరెప్పుడైనా గమనించారా?