News August 20, 2024
నెల్లూరు: ఒక్కరోజే 330కు పైగా రిజిస్ట్రేషన్లు
నెల్లూరు జిల్లా స్టాంప్స్ అండ్ రిజిస్ట్రేషన్ కార్యాలయాల్లో సోమవారం ఒక్కరోజే 330కి పైగా వివిధ రిజిస్ట్రేషన్లు జరిగాయి. గత 3 నెలలుగా పదుల సంఖ్యలో జరిగిన రిజిస్ట్రేషన్లు.. సోమవారం మంచి రోజు కావడంతో ఎక్కువ రిజిస్ట్రేషన్లు జరిగినట్లు సమాచారం. నెల్లూరు ప్రధాన కార్యాలయంలో 80, స్టోన్ హౌస్ పేటలో 25, జిల్లాలోని మండల కేంద్రాల్లో ఉన్న అన్ని సబ్ రిజిస్ట్రార్ కార్యాలయాల్లో 225 కు పైగా రిజిస్ట్రేషన్లు జరిగాయి.
Similar News
News February 27, 2026
ప్రతి పోలీసుకు అండగా ఉంటాం: SP
నెల్లూరు ఎస్పీ డా.అజిత వేజెండ్ల ఆధ్వర్యంలో పోలీస్ సిబ్బంది సమస్యల పరిష్కారం కోసం ‘డయల్ యువర్ ఎస్పీ’ (SP-సంపర్క్) కార్యక్రమం నిర్వహించారు. శుక్రవారం జరిగిన ఈ కార్యక్రమంలో 13 మంది సిబ్బంది తమ బదిలీలు, మెడికల్ బిల్లులు, ప్రమోషన్ల వంటి అంశాలను నేరుగా ఎస్పీకి ఫోన్ ద్వారా వివరించారు. ఈ సమస్యలపై సానుకూలంగా స్పందించిన ఎస్పీ క్షేత్రస్థాయిలో పనిచేసే ప్రతి పోలీస్ వెనుక శాఖ ఉంటుందని భరోసా ఇచ్చారు.
News February 27, 2026
నెల్లూరు: ఈ నంబర్లతో అమ్మాయిలకు రక్ష.!
మహిళల భద్రత కోసం రూపొందించిన ‘శక్తి’ యాప్పై నెల్లూరు ఎస్పీ డా.అజిత వేజెండ్ల ఆదేశాల మేరకు పోలీసులు విస్తృతంగా అవగాహన కల్పిస్తున్నారు. జిల్లా వ్యాప్తంగా బస్టాండ్లు, కళాశాలల్లో మహిళలు, విద్యార్థినులకు ఈ యాప్ డౌన్లోడ్ విధానం, ఆపద సమయంలో పోలీసుల తక్షణ సాయం పొందే తీరును వివరిస్తున్నారు. దీనితో పాటు డయల్ 100, 112, 1930 వంటి హెల్ప్లైన్ నంబర్లపై కూడా ప్రజలకు అవగాహన కల్పిస్తున్నారు.
News February 27, 2026
ఫొక్సో కేసులపై నెల్లూరు SP కీలక ఆదేశాలు
ఫొక్సో కేసులలో అభియోగ పత్రాల దాఖలు వేగవంతం చేయాలని ఎస్పీ డా.అజిత వేజెండ్ల అధికారులను ఆదేశించారు. శుక్రవారం ఆమె జిల్లా పోలీసు అధికారులతో వీడియో కాన్ఫరెన్స్ నిర్వహించారు. సైబర్ ఫ్రాడ్ కేసులలో హోల్డ్ మనీ రికవరీ వేగవంతం కావాలన్నారు. అందుకు సంబందించి అధికారులకు అవగహన కల్పించారు.