News August 24, 2024
అత్యాచార నిందితుడు మృతి.. గ్రామస్థుల కీలక నిర్ణయం!
మైనర్ బాలిక గ్యాంగ్ రేప్ కేసులో ప్రధాన నిందితుడు పోలీసుల నుంచి తప్పించుకోబోయి చెరువులో దూకి చనిపోయాడు. ఈ ఘటన అస్సాంలోని నాగావ్ జిల్లాలో జరిగింది. అతని శవాన్ని ఖననం చేసేందుకు బోరభేటి గ్రామస్థులు నిరాకరించారు. శ్మశానవాటికలో అంత్యక్రియలు నిర్వహించొద్దని తీర్మానించారు. నిన్న నిందితుడిని క్రైమ్ రీ కన్స్ట్రక్షన్ కోసం నేరం జరిగిన ప్రాంతానికి తీసుకెళ్తుండగా పారిపోయేందుకు యత్నించినట్లు పోలీసులు తెలిపారు.
Similar News
News April 11, 2026
‘అడుగులకు మడుగులు వత్తడం’ అంటే?
ఒక వ్యక్తిని గుడ్డిగా అనుసరిస్తూ, అతని మాటకు ఎదురుచెప్పకుండా పనులు చేసే వారి గురించే చెప్పేటప్పుడు దీన్ని వాడుతున్నాం. అడుగు=పాదం, మడుగు=గుడ్డ, వత్తడం=పరచడం. పూర్వం రాజులు, రాణులు బయలుదేరినప్పుడు సేవకులు వారి కొంగులను పట్టుకొనేవారు. కాళ్లకు నొప్పి తెలియకుండా తడి దుస్తులను పరిచేవారు. కాలక్రమంలో ఇదొక జాతీయమైంది. ఇప్పుడు బానిసత్వానికి ప్రతీకగా ఉపయోగిస్తున్నాం.
<<-se>>#EPICSAYINGS<<>>
News April 11, 2026
పెట్స్తో సెలబ్రిటీల క్యూట్ పిక్స్!
ఇవాళ నేషనల్ పెట్స్ డే. ఈ సందర్భంగా సినీ తారల పెట్స్ గురించి నెట్టింట చర్చ జరుగుతోంది. గ్లోబల్ స్టార్ రామ్ చరణ్ విదేశాలకు వెళ్లినా తన పెట్ ‘రైమీ’ని తీసుకెళ్తుండటం విశేషం. విజయ్ దేవరకొండ సైతం తన సైబీరియన్ హస్కీని ఫ్యామిలీ మెంబర్లా చూసుకుంటారు. మహేశ్బాబు, ప్రియాంకా చోప్రా, ఆలియా భట్, అనుష్క శర్మ, నజ్రియా, విక్రమ్, అమలా పాల్, కీర్తి సురేశ్, మోహన్ లాల్ల పెట్స్ను పై ఫొటోల్లో చూడొచ్చు.
News April 11, 2026
అమెరికా రాజధానిలో 250 అడుగుల ‘ఇండిపెండెన్స్ ఆర్చ్’!
US రాజధాని వాషింగ్టన్ డీసీలో ప్రతిపాదిత 250 ఫీట్ల ‘ఇండిపెండెన్స్ ఆర్చ్’ డిజైన్ను అధ్యక్షుడు ట్రంప్ షేర్ చేశారు. 200ఏళ్ల క్రితం ఓసారి, 124ఏళ్ల క్రితం మరోసారి ఇలాంటి నిర్మాణానికి అప్పటి పాలకులు ప్రయత్నించారని ట్రంప్ పేర్కొన్నారు. ప్రపంచంలో అన్ని ప్రధాన నగరాలకు స్మారకాలు ఉన్నాయని.. ఒక్క వాషింగ్టన్కే లేదన్నారు. దీనిపై అక్కడ మిశ్రమ స్పందన వస్తోంది. వైట్హౌస్లో మార్పులపైనా ఇటీవల <<19523130>>నిరసనలు<<>> చెలరేగాయి.