News August 28, 2024
రైలు పట్టాలు తప్పేలా ప్లాన్.. రైతు సంఘం నాయకుడి కుమారుడు అరెస్టు
యూపీలో ఆగస్టు 24న రైలు పట్టాలపై పెద్ద చెట్టు కొమ్మను ఉంచిన నిందితులు పోలీసులకు చిక్కారు. ఇద్దరు నిందితుల్లో ఒకరు రైతు సంఘం నాయకుడి కుమారుడు డియో సింగ్, మరొకరు మోహన్ కుమార్ అని పోలీసులు వెల్లడించారు. కాగా, యూపీ ఫరూఖాబాద్‌లో మద్యం మత్తులో ప్యాసింజర్ ట్రైన్ కింద 30 కేజీల చెట్టు కొమ్మను ఉంచి రైలు పట్టాలు తప్పేలా ప్లాన్ చేశారు. లోకో పైలట్లు గమనించి ఎమర్జెన్సీ బ్రేకులు వేయడంతో పెను ప్రమాదం తప్పింది.
Similar News
News January 31, 2025
BREAKING: భారీగా పెరిగిన బంగారం ధరలు
హైదరాబాద్ బులియన్ మార్కెట్‌లో బంగారం, వెండి ధరలు ఇవాళ భారీగా పెరిగాయి. 22 క్యారెట్ల 10 గ్రాముల గోల్డ్ రేటు రూ.1,200 పెరిగి రూ.77,300లకు చేరింది. 24 క్యారెట్ల 10 గ్రాముల పసిడి ధర రూ.1,310 పెరగడంతో రూ.84,330 పలుకుతోంది. ఇటీవల కాలంలో ఈ స్థాయిలో రేటు పెరగడం ఇదే తొలిసారి. ఇక కేజీ సిల్వర్ రేటు రూ.1,000 పెరిగి రూ.1,07,000లకు చేరింది. తెలుగు రాష్ట్రాల్లోని ప్రధాన నగరాల్లో దాదాపు ఇవే ధరలు ఉన్నాయి.
News January 31, 2025
ఆ పోస్టులకు ఎత్తు నుంచి మినహాయింపు
AP: RTCలో 2016-19 మధ్యకాలంలో చనిపోయిన 16మంది కండక్టర్ల కుటుంబాల నుంచి కారుణ్య నియామకాల కింద నియమితులవనున్న అభ్యర్థులకు సర్కారు గుడ్ న్యూస్ చెప్పింది. వారికి ఎత్తు నిబంధనల్లో మినహాయింపునిస్తున్నట్లు ప్రకటించింది. ఈ మేరకు తాజాగా ఉత్తర్వులు జారీ చేసింది. నిబంధనల ప్రకారం 154 సెంటీమీటర్ల ఎత్తు ఉండాల్సి ఉండగా, ఆ ఎత్తు లేనివారిని ఇన్నాళ్లూ కొలువులకు తీసుకోలేదు. తాజా ఉత్తర్వులతో వారందరికీ ఊరట లభించనుంది.
News January 31, 2025
Stock Markets: లాభాల్లో దూసుకెళ్తున్నాయ్..
దేశీయ స్టాక్‌మార్కెట్లు భారీ లాభాల్లో కొనసాగుతున్నాయి. నిఫ్టీ 23,359 (+110), సెన్సెక్స్ 77,038 (+280) వద్ద ట్రేడవుతున్నాయి. బ్యాంకు, ఫైనాన్స్ షేర్లపై సెల్లింగ్ ప్రెజర్ ఉంది. ఆటో, ఐటీ, ఫార్మా, మీడియా, రియాల్టి షేర్లకు డిమాండ్ కనిపిస్తోంది. LT, ట్రెంట్, టాటా కన్జూమర్స్, టైటాన్, BEL టాప్ గెయినర్స్. ఎయిర్‌టెల్, ITC హోటల్స్, ICICI బ్యాంకు, బజాజ్ ట్విన్స్ టాప్ లూజర్స్. నిఫ్టీ ADV/DEC రేషియో 43:8.