News August 29, 2024

విశాఖలో కోర్టుకు హాజరుకానున్న మంత్రి లోకేశ్

ఓ పత్రికపై పరువు నష్టం దావా కేసులో మంత్రి లోకేశ్ నేడు విశాఖ కోర్టుకు హాజరుకానున్నారు. ‘చినబాబు చిరుతిండి.. 25 లక్షలండి’ పేరుతో ఆ పత్రికలో గతంలో కథనాన్ని ప్రచురించారు. ఆ కథనంపై లోకేశ్ న్యాయపోరాటానికి దిగారు. ఈ క్రమంలో పరువునష్టం దావా వేయగా.. విశాఖ 12వ అదనపు జిల్లా కోర్టులో వాదోపవాదనలు జరిగేవి. పలు కారణాలతో చాలా రోజులుగా వాయిదాలు పడిన ఈ కేసు విచారణ మళ్లీ ప్రారంభమైంది.