News September 4, 2024
వి.కోటలో రెండో రోజూ 144 సెక్షన్
చిత్తూరు జిల్లా వి.కోట పట్టణంలో క్రికెట్ బాల్ వివాదం పెద్ద ఘర్షణకు దారి తీసిన విషయం తెలిసిందే. ఇరువర్గాల దాడి నేపథ్యంలో పోలీసులు వి.కోట పట్టణంలో నిన్న 144 సెక్షన్ అమలు చేశారు. భారీగా పోలీసులు మోహరించారు. రెండు వర్గాల పెద్దలతో మాట్లాడిన కలెక్టర్, ఎస్పీ ఇరు వర్గాలపైన కేసులు నమోదు చేస్తామని చెప్పారు. ముందస్తు జాగ్రత్తగా వి.కోట పట్టణంలో బుధవారం రెండో రోజు 144 సెక్షన్ కొనసాగిస్తున్నారు.
Similar News
News January 11, 2026
నెలాఖరిన కుప్పంలో CM పర్యటన
CM చంద్రబాబు జనవరి చివర్లో కుప్పం నియోజకవర్గంలో పర్యటించనున్నారు. జనవరి 30, 31, ఫిబ్రవరి 1 తేదీల్లో CM కుప్పం నియోజకవర్గంలోని నాలుగు మండలాల్లో పర్యటించనున్నారు. మూడు రోజుల నియోజకవర్గ పర్యటనలో భాగంగా అనేక అభివృద్ధి కార్యక్రమాలకు ఆయన శంకుస్థాపన చేయడంతో పాటు పలు అభివృద్ధి కార్యక్రమాలను ప్రారంభించనున్నారు. ఫిబ్రవరి 1న కుప్పంలో నూతన పెన్షన్లను CM లబ్ధిదారులకు ఇవ్వనున్నారు.
News January 11, 2026
చిత్తూరు జిల్లా ప్రజలకు గమనిక
చిత్తూరు కలెక్టరేట్లో సోమవారం జరగనున్న గ్రీవెన్స్ డేను సద్వినియోగం చేసుకోవాలని కలెక్టర్ సుమిత్ కుమార్ కోరారు. ఉదయం 9:30 గంటల నుంచి మధ్యాహ్నం 2గంటల వరకు కార్యక్రమం జరగనుందని చెప్పారు. జిల్లా అధికారులు అందుబాటులో ఉంటారని తెలిపారు. ప్రజలు తమ సమస్యలను అర్జీల రూపంలో తెలియజేస్తే పరిష్కారానికి చర్యలు తీసుకుంటామన్నారు. అర్జీ నమోదు, స్థితిపై 1100కి కాల్ చేయవచ్చన్నారు.
News January 11, 2026
కుప్పం ఏరియాకు భారీ ప్రాజెక్ట్
చిత్తూరు జిల్లా రామకుప్పం మండలం మానేంద్రం గ్రామంలో విమాన తయారీ ప్రాజెక్టుకు ప్రభుత్వం గ్రీన్ సిగ్నల్ ఇచ్చింది. HANSA-3(NG) రెండు సీట్ల ట్రైనర్ విమానాల తయారీ, ఫ్లైట్ ట్రైనింగ్ స్కూల్ ఏర్పాటుకు 55.47 ఎకరాల భూమి కేటాయింపునకు ఆమోదం తెలిపింది. రూ.159 కోట్లతో రెండు దశల్లో చేపట్టే ఈ ప్రాజెక్టు ద్వారా 250మందికి ఉపాధి లభించనుంది. ఏటా 108 విమానాల తయారీ చేయనున్నారు.