News September 6, 2024
సోనియా ముందుకు ఆ ఇద్ద‌రి పేర్లు
T.PCC చీఫ్ ఎంపిక విషయంలో మ‌హేశ్ కుమార్ గౌడ్, మ‌ధుయాష్కీ గౌడ్ పేర్ల‌ను సోనియా గాంధీకి పంపిన‌ట్టు తెలుస్తోంది. ఈ ఇద్ద‌రిలో ఎవ‌రికి ప‌గ్గాలు అప్ప‌గించాల‌న్న దానిపై రాష్ట్ర, AICC నేత‌ల మధ్య భిన్నాభిప్రాయాలు వ్య‌క్త‌మ‌య్యాయి. దీంతో నిర్ణయాన్ని సోనియాకు వదిలేశారు. మ‌హేశ్ NSUI నుంచి క్రియాశీల‌కంగా ఉండ‌డంతో కింది స్థాయి నేతల్ని కలుపుకొనిపోగలరన్న నమ్మకంతో సోనియా ఆయన్ను ఎంపిక చేసినట్టు తెలుస్తోంది.
Similar News
News July 5, 2025
గుడ్‌న్యూస్.. సగానికి తగ్గనున్న టోల్ ఫీజ్!
కేంద్ర ప్రభుత్వం జాతీయ రహదారుల ఫీజు నిబంధనల్లో చేసిన మార్పుల కారణంగా త్వరలో టోల్ ఛార్జీలు తగ్గే అవకాశముంది. 2008లో టోల్ ప్లాజాలకు సంబంధించి నిర్ణయించిన యూజర్ ఛార్జీలను తాజాగా సవరించింది. కొత్త రూల్స్ ప్రకారం సొరంగాలు, బ్రిడ్జిలు ఉన్న జాతీయ మార్గాల్లో టోల్ ఫీజ్ లెక్కింపు పద్ధతి మారనుంది. ఈ క్రమంలో దాదాపు సగం వరకు ఛార్జీ తగ్గే అవకాశమున్నట్లు తెలుస్తోంది. దీంతో వాహనదారులకు మేలు జరగనుంది.
News July 5, 2025
సికింద్రాబాద్-విశాఖ వందేభారత్ కోచ్‌ల పెంపు
సికింద్రాబాద్, విశాఖపట్నం మధ్య రాకపోకలు సాగించే వందేభారత్ ఎక్స్‌ప్రెస్ రైళ్లలో 4 చొప్పున కోచ్‌లు పెంచినట్లు దక్షిణ మధ్య రైల్వే తెలిపింది. ప్రస్తుతం ఏసీ ఛైర్ కార్ కోచ్‌లు 14 ఉండగా వాటిని 18 చేసింది. సికింద్రాబాద్ నుంచి ఉ.5.05 గంటలకు బయల్దేరే వందేభారత్(20707) మ.1.50 గంటలకు విశాఖ చేరుకుంటుంది. మళ్లీ అక్కడి నుంచి మ.2.30 గంటలకు బయల్దేరే ట్రైన్(20708) రా.11 గంటలకు సికింద్రాబాద్‌కు వస్తుంది.
News July 5, 2025
కొత్తగా 157 సర్కారీ బడులు
TG: రాష్ట్రంలో కొత్తగా 157 ప్రభుత్వ స్కూళ్లు ఏర్పాటు చేస్తూ పాఠశాల విద్యాశాఖ ఉత్తర్వులు జారీ చేసింది. కనీసం 20 మంది విద్యార్థులకు మించి ఉన్న గ్రామీణ, పట్టణ ప్రాంతాల్లో మొత్తం 571 బడులు నెలకొల్పాలని సర్కార్ నిర్ణయించింది. ఈక్రమంలోనే గ్రామాల్లో 63, పట్టణాల్లో 94 స్కూళ్లు వెంటనే తెరవాలని DEOలను ఆదేశించింది. ఫర్నీచర్, విద్యాసామగ్రి, ఇతర ఖర్చులకు బడ్జెట్‌ను కలెక్టర్ల ద్వారా సమకూర్చనుంది.