News September 9, 2024
విడాకులు ప్రకటించిన జయం రవి
కోలీవుడ్ స్టార్ హీరో జయం రవి తన భార్య ఆర్తి నుంచి విడిపోతున్నట్లు అధికారికంగా ప్రకటించారు. వీరిద్దరూ విడాకులు తీసుకుంటున్నట్లు సోషల్ మీడియాలో చాలా రోజులుగా ప్రచారం జరుగుతోంది. తాజాగా ఆ వార్తలను నిజం చేస్తూ ఈ ప్రకటన చేశారు. 2009లో ఆయన ఆర్తిని పెళ్లాడారు. తెలుగులో బాల నటుడిగా బావమరిది, పల్నాటి పౌరుషం వంటి సినిమాల్లో కనిపించారు. ఆయన సోదరుడు మోహన్ రాజా తెలుగులో ‘గాడ్ ఫాదర్’కు దర్శకత్వం వహించారు.
Similar News
News January 10, 2026
ఇరాన్ విప్లవం గురించి తెలుసా?
ఇరాన్ చివరి రాజు మహ్మద్ రెజా షా పహ్లావి 1941 నుంచి 1979 వరకు పాలించారు. ఆయిల్ నిల్వలను అమెరికా కంపెనీలకు కట్టబెట్టడం, పాశ్చాత్య సంస్కృతి పెరిగిపోవడంతో మత పెద్దలు, ప్రజల్లో అసంతృప్తి పెరిగింది. అయతుల్లా రుహొల్లా ఖమేనీ నాయకత్వంలో(1979) ఇస్లామిక్ విప్లవంతో రెజా దేశం విడిచి పారిపోయారు. ఖమేనీ US కంపెనీలను బహిష్కరించారు. మహిళలపై ఎన్నో ఆంక్షలు పెట్టారు. ఇప్పుడు మళ్లీ ఖమేనీల పాలనపై <<18808619>>వ్యతిరేకత<<>> మొదలైంది.
News January 10, 2026
పోక్సో చట్టంలో ‘రోమియో-జూలియట్’ రూల్ తీసుకురండి: SC
పోక్సో చట్టం దుర్వినియోగంపై సుప్రీంకోర్టు కీలక వ్యాఖ్యలు చేసింది. స్వచ్ఛమైన టీనేజ్ లవ్ రిలేషన్స్ను ప్రాసిక్యూషన్ నుంచి మినహాయించేందుకు పోక్సో చట్టంలో ‘రోమియో-జూలియట్’ రూల్ తీసుకురావాలని సూచించింది. వ్యక్తిగత కక్షలు తీర్చుకునేందుకు చట్టాన్ని వాడుకుంటున్నారని పేర్కొంది. టీనేజర్లు పరస్పర అంగీకారంతో లైంగిక సంబంధం పెట్టుకుంటే దాన్ని నేరంగా పరిగణించకుండా రక్షణ కల్పించే మినహాయింపే రోమియో-జూలియట్ రూల్.
News January 10, 2026
నేను వైద్యుడిని కాదు.. సోషల్ డాక్టర్ని: రేవంత్
TG: తాను వైద్యుడిని కాదని, సోషల్ డాక్టర్ అని సీఎం రేవంత్ రెడ్డి అన్నారు. హైదరాబాద్లో ఫెలోస్ ఇండియా కాన్ఫరెన్స్లో ఆయన మాట్లాడారు. ‘నిరంతరం నేర్చుకోవడమే అతిపెద్ద విజయ రహస్యం. నాలెడ్జ్ను ఎప్పటికప్పుడు అప్గ్రేడ్ చేసుకోవడంతో నైపుణ్యాలు పెంచుకోవాలి. కొత్త విషయాలు తెలుసుకోవడం, నైపుణ్యాన్ని పెంచుకోవడం మానేస్తే కెరీర్కు ముగింపు పలికినట్లే. క్వాలిటీ ఆఫ్ హెల్త్ గురించి అంతా కృషి చేయాలి’ అని ఆయన కోరారు.