News September 12, 2024
సీతారాం ఏచూరి హైదరాబాద్‌ను ఎందుకు వీడాల్సి వచ్చిందంటే?
సీతారాం ఏచూరి బాల్యమంతా హైదరాబాద్‌లోనే గడిచింది. ఇక్కడి ఆల్ సెయింట్స్ హై‌స్కూల్లోనే ఆయన టెన్త్ వరకు చదివారు. 1969లో తెలంగాణలో ఉద్యమం ఉద్ధృతం అవ్వడంతో ఢిల్లీకి వెళ్లాల్సి వచ్చింది. ఆయన తల్లిదండ్రులు కాకినాడ వాస్తవ్యులు. అందుకే ఆయనకు హైదరాబాద్, TG, APతో అనుబంధం ఎక్కువే. ఈ కారణంతోనే ఎందరో తెలుగువారిని మార్క్సిస్టు పార్టీకి చేరువ చేశారు. జాతీయ నేతలుగా తీర్చిదిద్దారు. TG ఉద్యమంపై ఆయనకెంతో అవగాహన ఉంది.
Similar News
News August 30, 2025
రక్తహీనత నివారణలో ఏపీ, తెలంగాణ టాప్
రక్తహీనత నివారణ చర్యల్లో దేశంలో ఏపీ తొలి స్థానంలో నిలిచినట్లు కేంద్రం వెల్లడించింది. 2025-26 ఆర్థిక సంవత్సరంలో ఏప్రిల్, మే, జూన్ నెలల్లో రక్తహీనత నియంత్రణకు రాష్ట్రాలు, కేంద్రపాలిత ప్రాంతాల చర్యలను సమీక్షించింది. IFA మాత్రలు, సిరప్ పంపిణీ ఆధారంగా ఈ ర్యాంకులను ప్రకటించింది. 2, 3 స్థానాల్లో హరియాణా, TG రాష్ట్రాలు నిలిచాయి. ఐరన్, B-12 విటమిన్ లోపం వల్ల చిన్నారులు, మహిళల్లో రక్తహీనత సమస్య ఉంటుంది.
News August 30, 2025
ట్రంప్ టారిఫ్స్ చట్టవిరుద్ధం: US కోర్టు
విదేశాలపై అధ్యక్షుడు ట్రంప్ విధిస్తున్న టారిఫ్స్ చట్టవిరుద్ధమైనవని US ఫెడరల్ అప్పీల్ కోర్టు స్పష్టం చేసింది. అత్యవసర అధికారాల చట్టం కింద సుంకాలు విధించడం ద్వారా ట్రంప్ తన పరిధిని అతిక్రమించారంది. అయితే పెంచిన టారిఫ్‌లను OCT 14 వరకు కొనసాగించడానికి అనుమతిచ్చింది. అటు ఈ తీర్పు USను నాశనం చేస్తుందంటూ ట్రంప్ అసహనం వ్యక్తం చేశారు. SCలో తనకు అనుకూలంగా తీర్పు వస్తుందని ఆశిస్తున్నట్లు చెప్పారు.
News August 30, 2025
స్థానిక ఎన్నికలపై ఇవాళ తుది నిర్ణయం!
TG: SEP 30లోపు స్థానిక ఎన్నికలు పూర్తి చేయాలన్న హైకోర్టు గడువుకు సరిగ్గా నెల మాత్రమే ఉంది. దీంతో ఇవాళ CM రేవంత్ అధ్యక్షతన క్యాబినెట్‌ భేటీలో పంచాయతీ ఎన్నికలు, BC రిజర్వేషన్ల పెంపుపై తుది నిర్ణయం తీసుకోనున్నట్లు తెలుస్తోంది. అటు ప్రభుత్వం రిజర్వేషన్లపై గెజిట్ ఇవ్వగానే నోటిఫికేషన్ జారీ చేసేందుకు SEC సిద్ధంగా ఉంది. దీంతో SEP తొలి వారంలోనే షెడ్యూల్ వచ్చే అవకాశం ఉందని అధికార వర్గాల్లో చర్చ జరుగుతోంది.