News September 16, 2024
3 దేశాల్లో టైఫూన్ యాగి విధ్వంసం.. భారత్ ఆపన్న హస్తం
మయన్మార్, లావోస్, వియత్నాంలలో టైఫూన్ ‘యాగి’ విధ్వంసం సృష్టిస్తోంది. దీంతో ఆయా దేశాలను ఆదుకునేందుకు భారత్ ‘సద్భవ్’ పేరిట సహాయక ఆపరేషన్ చేపట్టింది. యుద్ధ నౌక INS సాత్పురాలో 10 టన్నుల నిత్యావసరాలను మయన్మార్‌కు పంపింది. వియత్నాంకు 35 టన్నులు, లావోస్‌కు 10 టన్నుల సామగ్రిని పంపించింది. వీటిలో దుస్తులు, రేషన్, సోలార్ లాంతర్లు, దోమ తెరలు తదితర వస్తువులు ఉన్నాయని విదేశాంగ మంత్రి జైశంకర్ తెలిపారు.
Similar News
News November 8, 2025
శ్రీవారి సుప్రభాత సేవ ఎలా జరుగుతుందంటే..?
తిరుమల శ్రీవారి ఆలయంలో తొలి సేవ ‘సుప్రభాతం’. ఇది ఉ.3 గంటలకు జరుగుతుంది. స్వామివారిని మేల్కొలిపే దివ్య ఘట్టమిది. పవిత్ర మంత్రాలు, శ్లోకాలు, మధుర నాదాలతో అర్చకులు స్వామివారిని నిదురలేపి, నిత్య కైంకర్యాలకు ఆహ్వానిస్తారు. ఈ సేవతోనే రోజు ప్రారంభమవుతుంది. ఈ సేవకు ఎంపికైన భక్తులకు స్వామివారిని <<17956589>>అతి దగ్గరి నుంచి<<>>(10Ft) దర్శించుకునే మహాభాగ్యం లభిస్తుంది. ☞ మరిన్ని ఆధ్యాత్మిక విశేషాల కోసం <<-se_10013>>భక్తి కేటగిరీ<<>>.
News November 8, 2025
M.T.U 1121.. పచ్చి బియ్యానికి అనుకూలం
ఆంధ్రప్రదేశ్‌లోని ఉమ్మడి పశ్చిమ గోదావరి జిల్లాలో బాగా ప్రాముఖ్యత కలిగి రైతులచే ఎక్కువగా సాగు చేయబడుతున్న రకం M.T.U 1121( శ్రీ ధృతి). దీని పంట కాలం 120-125 రోజులు. గింజ మధ్యస్త సన్నంగా ఉంటుంది. ఇది చేనుపై పడిపోకుండా అగ్గి తెగులును, దోమ పోటును తట్టుకుంటుంది. మిషన్ కోతకు కూడా అనుకూలమైన రకం. గింజ రాలిక తక్కువగా ఉంటుంది. పచ్చి బియ్యానికి ఈ రకం అనుకూలం. దిగుబడి ఎకరాకు సుమారు 3.5 టన్నులుగా ఉంటుంది.
News November 8, 2025
‘అలిపిరి’ అంటే అర్థం మీకు తెలుసా?
తిరుపతి నుంచి తిరుమల శ్రీవారి ఆలయానికి కాలినడకన వెళ్లడానికి తొలి ప్రవేశ మార్గం ‘అలిపిరి’. సోపానమార్గంలో కనిపించే తొలి ప్రదేశం ఇదే. ఈ అలిపిరిని కొందరు ‘అడిప్పడి’ అని అంటారు. అడి అంటే అడుగున ఉన్న భాగం. పడి అంటే మెట్టు. తిరుమల కొండకు అడుగున ఉన్న పడికట్టు ప్రదేశమే ఇది. కొందరు దీన్ని అడిప్పుళి అని కూడా అంటారు. పుళి అంటే చింత చెట్టు. అడుగు భాగాన కనిపించే చింతచెట్టు ప్రదేశమని దీని భావం. <<-se>>#VINAROBHAGYAMU<<>>