News September 21, 2024
ఎల్లారెడ్డి: హాస్టల్‌లో విద్యార్థులతో కలిసి నిద్రించిన జిల్లా కలెక్టర్
ఎల్లారెడ్డి పట్టణంలోని సాంఘిక సంక్షేమ గురుకుల పాఠశాల, కళాశాల వసతి గృహంలో కామారెడ్డి జిల్లా కలెక్టర్ ఆశిష్ సంగ్వాన్ శుక్రవారం రాత్రి విద్యార్థులతో కలిసి నిద్రించారు. అంతకు ముందు ఆయన విద్యార్థులతో కలిసి మాట్లాడుతూ.. అక్కడి పరిస్థితుల గురించి అడిగి తెలుసుకున్నారు. సమస్యలు ఉన్నాయా? భోజనం ఎలా ఉంటున్నది? మౌళిక సదుపాయాలు తదితర అంశాలపై వివరాలు తెలుసుకున్నారు.
Similar News
News November 11, 2024
నిజాంసాగర్: చేపలు పట్టడానికి వెళ్లి విద్యార్థి మృతి
నిజాంసాగర్ మండలంలోని కోమలంచ గ్రామానికి చెందిన శివానంద్ మంజీరా నదిలో చేపలు పట్టడానికి వెళ్లి ఈతడానికి రాక ప్రమాదవశాత్తు పడి ఆదివారం మృతి చెందారు. విద్యార్థి శివానంద్ బాన్సువాడ ఠాగూర్ కళాశాలలో ఇంటర్ సెకండియర్ చదువుతున్నట్లు గ్రామస్థులు తెలిపారు. ఘటనకు సంబంధించి స్థానికులు పోలీసులకు సమాచారం అందించారు. పూర్తి వివరాలు తెలియాల్సి ఉంది.
News November 11, 2024
కవిత్వంలో విమర్శించే ఆయుధమే ముషాయిరా: షబ్బీర్ ఆలీ
రాజకీయ నాయకులకు వారి ముందే వారిని నవ్వుతూ కవిత్వంలో విమర్శించే ఆయుధమే ముషాయిరా అని ప్రభుత్వ సలహాదారు మహమ్మద్ అలీ షబ్బీర్ పేర్కొన్నారు. ఆదివారం నగరంలోని ఎన్నారై కాలనీలో జరిగిన ముషాయిరాలో ఆయన ముఖ్య అతిథిగా పాల్గొని మాట్లాడుతూ ముషాయిరా ద్వారా బడుగు బలహీన వర్గాల సమస్యలు వారి జీవన విధానం కళ్లకు కట్టినట్లుగా కవులు వినిపిస్తారన్నారు.
News November 10, 2024
బడాపహాడ్‌లో గుర్తుతెలియని మహిళ మృతదేహం
వర్ని మండలం బడాపహాడ్ మెట్ల సమీపంలోని కాలువ వద్ద గుర్తు తెలియని మహిళ మృతదేహం లభ్యమైంది. స్థానికులు వర్ని పోలీస్ స్టేషన్‌కు సమాచారం అందించారు. మృతురాలి వయసు 70 ఏళ్లకు పైగా ఉంటుందని పోలీసులు తెలిపారు. కాలకృత్యాల కోసం వెళ్లి కాలువలో పడి మృతి చెందిఉంటుందని భావిస్తున్నారు. బడాపహాడ్ సెక్యూరిటీ గార్డ్ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు వర్ని పోలీసులు తెలిపారు.