News September 21, 2024
పొట్టి డ్రెస్సులో అమృత ప్రణయ్.. భిన్నాభిప్రాయాలు
మిర్యాలగూడ పరువు హత్య బాధితురాలు అమృత ప్రణయ్ మీద ఇన్‌స్టాగ్రామ్‌లో ట్రోలింగ్ జరుగుతోంది. ఇటీవల ఆమె ప్రమోషన్స్, ఫ్యాషన్ వ్లాగ్స్ చేస్తున్నారు. ఈ నేపథ్యంలోనే మోకాళ్లపైకి ఉన్న పొట్టి డ్రెస్సు ఫొటో వైరలవుతోంది. ‘భర్త చనిపోయిన అమ్మాయికి ఇలాంటి డ్రెస్స్‌లు అవసరమా?’ అని కామెంట్స్ వస్తున్నాయి. ఇంకొందరేమో ‘ఆమెకూ వ్యక్తిగత జీవితం ఉంటుంది. దాన్ని మనం గౌరవించాలి’ అని వాదిస్తున్నారు. దీనిపై మీ కామెంట్ ఏంటి?
Similar News
News September 21, 2024
పవన్‌ను కలిసిన వైసీపీ మాజీ ఎమ్మెల్యే కిలారి
AP: వైసీపీ మాజీ ఎమ్మెల్యే కిలారి రోశయ్య డిప్యూటీ సీఎం పవన్ కళ్యాణ్‌ను కలిశారు. రేపు జనసేనలో చేరుతున్నట్లు ఆయన ప్రకటించారు. రోశయ్యతోపాటు ఆయన వియ్యంకుడు రవిశంకర్ కూడా ఆ పార్టీలో చేరుతున్నారు. కాగా రోశయ్య ఇటీవల వైసీపీకి రాజీనామా చేశారు. 2019లో పొన్నూరు నుంచి ఆయన ఎమ్మెల్యేగా గెలుపొందారు. 2024 ఎన్నికల్లో గుంటూరు ఎంపీ అభ్యర్థిగా పోటీ చేసి కేంద్ర మంత్రి పెమ్మసాని చంద్రశేఖర్ చేతిలో ఓటమిపాలయ్యారు.
News September 21, 2024
జానీ మాస్టర్ భార్య అరెస్ట్‌కు రంగం సిద్ధం?
TG: అత్యాచార ఆరోపణలతో అరెస్టై చంచల్‌గూడ జైల్లో ఉన్న జానీ మాస్టర్ కేసులో మరో ట్విస్ట్ చోటు చేసుకోనున్నట్లు తెలుస్తోంది. ఇదే కేసులో ఆయన భార్య ఆయేషాను పోలీసులు అరెస్ట్ చేసేందుకు సిద్ధమైనట్లు సమాచారం. బాధితురాలి ఇంటికి వెళ్లి ఆమెపై దాడి చేసేందుకు యత్నించారన్న ఆరోపణలతో ఆమెపై పోలీసులు కేసు నమోదు చేయనున్నట్లు తెలుస్తోంది. ఇప్పటికే ఆ యువతిని ఆయేషా బెదిరించినట్లు రిమాండ్ రిపోర్టులో పోలీసులు పేర్కొన్నారు.
News September 21, 2024
దేశాన్ని విడ‌దీయ‌డానికి రాహుల్ వెనుకాడ‌రు: కంగన
రాహుల్ గాంధీ అధికారం కోసం దేశాన్ని విడ‌దీయ‌డానికి వెనుకాడ‌బోర‌ని BJP MP కంగ‌నా ర‌నౌత్ విమ‌ర్శించారు. రాహుల్ విదేశాల్లో భార‌త్ గురించి ఎలాంటి విష‌యాలు మాట్లాడుతార‌న్న‌ది అంద‌రికీ తెలిసిన విష‌య‌మే అన్నారు. ‘కొంత మంది ప్రజల్ని వాడుకుంటున్నారు. కొన్ని వ‌ర్గాల్ని రెచ్చ‌గొడుతున్నారు. దేశంపై రాహుల్‌కు ఉన్న భావ‌న‌లు తెలిసిందే. అధికారం కోసం ఆయన దేశాన్ని విడ‌దీయ‌డానికి వెనుకాడ‌రు’ అని కంగన విమ‌ర్శించారు.