News September 21, 2024
‘యథా రాజా తథా పోలీసులు’.. రాష్ట్రంలో పరిస్థితి ఇదే: హరీశ్ రావు
TG: రాష్ట్రంలో కొందరు పోలీసుల పనితీరు ‘యథా రాజా తథా పోలీసులు’ అన్నట్లుగా ఉందని మాజీ మంత్రి హరీశ్ రావు విమర్శించారు. గత పదేళ్లలో కేసీఆర్, సీనియర్ అధికారులతో కలిసి పోలీసింగ్ విభాగాన్ని దేశంలోనే నం.1గా తీర్చిదిద్దారని ట్వీట్ చేశారు. కొందరి తీరు వల్ల రాష్ట్ర పోలీస్ బ్రాండ్‌కు అవినీతి మరక పడితే సీనియర్ అధికారుల కష్టం వృథా అవుతుందన్నారు. దీనిపై అధికారులు పునరాలోచించి దిద్దుబాటు చర్యలు చేపట్టాలని కోరారు.
Similar News
News September 22, 2024
నేటి ముఖ్యాంశాలు
* AP: ఈ నెల 25న వరద బాధితులకు సాయం: CBN
* రేపటి నుంచి DY.CM పవన్ కళ్యాణ్ 11 రోజుల దీక్ష
* జగన్.. దమ్ముంటే బహిరంగ చర్చకు రా?: హోం మంత్రి అనిత
* బాబు, లోకేశ్ ప్రమాణానికి సిద్ధమా?: అంబటి రాంబాబు
* TG: ITIల సిలబస్‌ను అప్‌గ్రేడ్ చేయాలి: CM రేవంత్
* గ్రామాల్లో రెవెన్యూ వ్యవస్థ పునరుద్ధరణ: మంత్రి పొంగులేటి
* అమృత్ పథకంలో రేవంత్ ఫ్యామిలీ అవినీతి: కేటీఆర్
* ఢిల్లీ సీఎంగా ఆతిశీ ప్రమాణ స్వీకారం
News September 22, 2024
ఇంగ్లండ్‌ను చిత్తు చేసిన ఆసీస్
ఇంగ్లండ్‌తో జరిగిన రెండో వన్డేలో ఆస్ట్రేలియా ఘన విజయం సాధించింది. 68 పరుగుల తేడాతో ఇంగ్లండ్‌ను చిత్తు చేసింది. 271 పరుగుల లక్ష్యంతో బరిలోకి దిగిన ఇంగ్లండ్ 202 రన్స్‌కే ఆలౌటైంది. ఆ జట్టులో స్మిత్ (49) టాప్‌స్కోరర్‌గా నిలిచారు. ఆసీస్ బౌలర్లలో స్టార్క్ 3, హేజిల్‌వుడ్, హార్డీ, మ్యాక్స్‌వెల్ తలో 2 వికెట్లు పడగొట్టారు. ఐదు వన్డేల సిరిస్‌లో ఆసీస్ 2-0 ఆధిక్యంతో నిలిచింది. తొలి వన్డేలోనూ ఆ జట్టు గెలిచింది.
News September 22, 2024
అభిమానులకు ‘దేవర’ గుడ్‌న్యూస్
జూనియర్ ఎన్టీఆర్ అభిమానులకు దేవర మూవీ యూనిట్ శుభవార్త చెప్పింది. రేపు(సెప్టెంబర్ 22వ తేదీ) ఉదయం 11.07 గంటలకు దేవర సినిమా రిలీజ్ ట్రైలర్‌ను విడుదల చేయనున్నట్లు ప్రకటించింది. కళ్లల్లో ఆవేశం, అతని వెనుక మారణహోమంతో దేవర వస్తున్నాడంటూ ట్రైలర్‌పై అభిమానుల్లో అంచనాలను పెంచేసింది. ఇప్పటికే విడుదలైన ట్రైలర్, సాంగ్స్‌తో ఈ మూవీపై భారీ హైప్ నెలకొంది. కొరటాల శివ డైరెక్ట్ చేసిన ఈ మూవీ ఈ నెల 27న విడుదల కానుంది.