News September 25, 2024
కార్తీ ఫ్యామిలీకి ఇవి అలవాటే: నటి కస్తూరి
తిరుమల లడ్డూపై హీరో కార్తీ చేసిన <<14180101>>వ్యాఖ్యలపై<<>> సీనియర్ నటి కస్తూరి స్పందించారు. ‘కార్తీ కుటుంబం సనాతన పద్ధతులపై వివాదాస్పద వ్యాఖ్యలు చేయడం కొత్తేంకాదు. శబరిమలపై శివకుమార్ వ్యాఖ్యలు, ఆలయాల కంటే ఆస్పత్రులపై ఎక్కువ దృష్టి పెట్టాలని జ్యోతిక చేసిన వ్యాఖ్యలు తీవ్ర దుమారం రేపాయి. తిరుపతి వేంకటేశ్వర స్వామి భక్తులు ఇలాంటివి సహించరు. ఆంధ్రాలో హిందూ వ్యతిరేకతను స్వాగతించరు’ అని ట్వీట్ చేశారు.
Similar News
News September 25, 2024
కొనసాగుతున్న కాళేశ్వరం కమిషన్ విచారణ
TG: కాళేశ్వరం కార్పొరేషన్ అకౌంట్స్ అధికారులు ఇవాళ జస్టిస్ పీసీ ఘోష్ కమిషన్ ముందు విచారణకు హాజరయ్యారు. ప్రాజెక్టుకు నిధుల సేకరణ, బిల్లుల చెల్లింపు, ఉద్యోగుల జీతాల చెల్లింపు తదితర అంశాలపై వారిని కమిషన్ ప్రశ్నించింది. బిల్లుల చెల్లింపులు నిబంధనల ప్రకారమే జరిగినట్లు ఆఫీసర్లు తెలిపారు. ప్రాజెక్టు చెల్లింపులపై ఆడిట్ రిపోర్ట్ ఆధారంగానే కాగ్ రిపోర్టు ఇచ్చిందని చెప్పారు.
News September 25, 2024
‘గేమ్ ఛేంజర్’ నుంచి సెకండ్ సాంగ్ ప్రోమో ఎప్పుడంటే?
రామ్ చరణ్, శంకర్ కాంబినేషన్లో తెరకెక్కుతోన్న చిత్రం ‘గేమ్ ఛేంజర్’. ఈ సినిమా నుంచి సెకండ్ సింగిల్ ‘రా మచ్చ మచ్చ’ సాంగ్ ప్రోమోను ఈ నెల 28న రిలీజ్ చేయనున్నట్లు చిత్ర యూనిట్ తెలిపింది. ఈ సాంగ్కు అనంత శ్రీరామ్ లిరిక్స్ అందించారు. తమన్ మ్యూజిక్ అందిస్తోన్న ఈ చిత్రంలో కియారా అద్వానీ, అంజలి హీరోయిన్లుగా నటిస్తున్నారు.
News September 25, 2024
Stock Market: సెన్సెక్స్, నిఫ్టీ ఆల్ టైం హై
పవర్, ఫైనాన్స్ రంగ షేర్లు బూస్ట్ ఇవ్వడంతో దేశీయ బెంచ్ మార్క్ సూచీలు బుధవారం జీవితకాల గరిష్ఠాలకు చేరుకున్నాయి. సెన్సెక్స్ 255 పాయింట్ల లాభంతో 85,169కు, నిఫ్టీ 63 పాయింట్ల లాభంతో 26,004కు చేరుకున్నాయి. బలమైన లిక్విడిటీ కారణంగా మార్కెట్లో బుల్ జోరు కొనసాగుతోందని, మార్కెట్లు మరింతగా విస్తరించవచ్చని, సెన్సెక్స్ త్వరలో లక్షకు చేరుకోవచ్చని నిపుణులు అభిప్రాయపడుతున్నారు.