News September 25, 2024
జేపీ న‌డ్డా వ్యాఖ్య‌ల‌పై స్పందించిన RSS
BJP గ‌తంలో RSS స‌హ‌కారం తీసుకుంద‌ని, అయితే ఇప్పుడు సొంతంగా త‌న వ్య‌వ‌హారాల‌ను చూసుకోగలదన్న పార్టీ అధ్య‌క్షుడు JP న‌డ్డా వ్యాఖ్య‌ల‌ను ‘కుటుంబ వ్య‌వ‌హారంగా’ RSS అభివ‌ర్ణించింది. ఈ వ్యాఖ్యలతో రెండింటి మ‌ధ్య దూరం పెరిగింద‌న్న వార్త‌ల‌పై RSS అఖిల భారతీయ ప్రచార్ ప్రముఖ్ సునీల్ అంబేకర్ స్పందించారు. ‘ఇది కుటుంబ వ్య‌వ‌హారం. అలాగే ప‌రిష్క‌రించుకుంటాం. దీనిపై బ‌హిరంగ వేదిక‌ల‌పై చ‌ర్చించ‌ం’ అని పేర్కొన్నారు.
Similar News
News September 25, 2024
నాణ్యత పరీక్షల్లో 53 రకాల మందులు ఫెయిల్
కొన్ని సంస్థల పారాసెటమాల్ IP 500 MG, విటమిన్ C, D3 షెల్కాల్, విటమిన్ B కాంప్లెక్స్, C సాఫ్ట్‌జెల్స్ తదితర 53 రకాల మందులు నాణ్యత పరీక్షల్లో విఫ‌ల‌మైన‌ట్టు సెంట్రల్ డ్రగ్స్ స్టాండర్డ్స్ కంట్రోల్ ఆర్గనైజేషన్ తెలిపింది. కాల్షియం, యాంటీ-డయాబెటిస్ మాత్రలు, అధిక రక్తపోటు మందులు Telmisartan ఈ జాబితాలో ఉన్నాయి. ఈ మందులను హెటిరో డ్రగ్స్, ఆల్కెమ్ లేబొరేటరీస్ తదితర సంస్థలు తయారు చేసినవి. <
News September 25, 2024
హైడ్రాలో 169 పోస్టుల భర్తీ.. ప్రభుత్వం ఉత్తర్వులు
TG: అక్రమ నిర్మాణాల కూల్చివేతకు ఏర్పాటైన హైడ్రాలో కొత్తగా 169 పోస్టులను ప్రభుత్వం భర్తీ చేసింది. నలుగురు అదనపు కమిషనర్లు, ఐదుగురు డీసీపీలు, 16 మంది ఎస్సైలు, 60 మంది కానిస్టేబుళ్లు, 12 మంది స్టేషన్ ఫైర్ ఆఫీసర్లు, 10 మంది అసిస్టెంట్ ఇంజనీర్లను డిప్యుటేషన్‌పై కేటాయిస్తూ ప్రభుత్వం ఉత్తర్వులు జారీ చేసింది.
News September 25, 2024
జనాభా వృద్ధిరేటులో తెలుగు రాష్ట్రాలు వెనుకంజ: సర్వే
భారత జనాభా వృద్ధిరేటు (2011-24)లో తగ్గుదల కనిపించినట్లు SBI సర్వేలో వెల్లడైంది. ప్రధానంగా తమిళనాడు, ఆంధ్రప్రదేశ్, తెలంగాణలలో వృద్ధి క్షీణించింది. ఉత్తర్‌ప్రదేశ్, బిహార్ రాష్ట్రాలు జనాభా వృద్ధిలో 33% వాటాను కలిగి ఉన్నాయి. SBI రీసెర్చ్ ప్రకారం వృద్ధుల జనాభా 2024లో 15 కోట్లు దాటిందని అంచనా. ఇందులో 7.7 కోట్ల మంది మహిళలు, 7.3 కోట్ల మంది పురుషులు ఉన్నారు. వృద్ధుల జనాభా 4.6 కోట్లకు పెరిగింది.