News September 25, 2024
వ్యక్తి హత్య కేసులో ఒకరికి జీవిత ఖైదు: సిరిసిల్ల SP
వ్యక్తి హత్య కేసులో ఇద్దరు నిందితుల్లో ఒకరికి జీవిత ఖైదు, రూ.2,500 జరిమానా, మరొకరికి 10 ఏళ్ల జైలు శిక్ష, రూ.2500 జరిమానా పడినట్లు జిల్లా ఎస్పీ అఖిల్ మహజన్ తెలిపారు. ముస్తాబాద్కి చెందిన రాజంను ఆస్తుల తగాదాల్లో మరియమ్మ, ఆమె కుమారుడు మల్లేశం 01-09-2020న గొడ్డలితో నరికి చంపారు. ఈ కేసులో నేరం రుజువు కావడంతో నేడు సిరిసిల్ల ప్రధాన న్యాయమూర్తి ప్రేమలత వారికి శిక్ష విధించినట్లు SP తెలిపారు.
Similar News
News September 30, 2024
ధర్మపురిలో నిత్యం 2 వేల లడ్డూ విక్రయాలు
ధర్మపురి లక్ష్మీనరసింహస్వామి లడ్డూ ప్రత్యేకంగా నిలుస్తోంది. ఇక్కడ ఆలయంలో ప్రతిరోజు 2000 లడ్డూ విక్రయాలు జరుగుతాయి. సామాన్యులకు అందుబాటులో ఉండే విధంగా 80 గ్రాముల లడ్డూ ప్రసాదానికి రూ.20 అలాగే 200 గ్రాముల పులిహోర ప్రసాదానికి రూ.15 తీసుకుంటున్నారు. 2023-24 సంవత్సరానికి లడ్డూ ప్రసాదం ద్వారా రూ.1,50,20,00, పులిహోర ప్రసాదం ద్వారా రూ.54,69,750 ఆదాయం సమకూరింది.
News September 30, 2024
ముస్తాబాద్: బస్సు కింద పడి చిన్నారి మృతి
ముస్తాబాద్లో జరిగిన రోడ్డు ప్రమాదంలో నాలుగేళ్ల చిన్నారి మృతిచెందింది. సాల్కం మనోజ్ఞ(4) మండల కేంద్రంలోని మహర్షి పబ్లిక్ స్కూల్లో చదువుతోంది. స్కూల్ బస్సు దిగుతుండగా ప్రమాదవశాత్తు టైర్ల కింద పడింది. దీంతో చిన్నారి తలకు తీవ్రగాయలై అక్కడికక్కడే మృతిచెందింది. సమాచారం అందుకున్న పోలీసులు సంఘటన స్థలానికి చేరుకొని దర్యాప్తు చేస్తున్నారు.
News September 30, 2024
కరీంనగర్ చేరుకున్న మంత్రి సీతక్క
కరీంనగర్ జిల్లా తిమ్మాపూర్ మండలం ఎల్ఎండి కాలనీ మహాత్మనగర్లో మిషన్ భగీరథ గెస్ట్హౌస్కు చేరుకున్న మంత్రి సీతక్కకు కలెక్టర్ పమేలా సత్పతి, మిషన్ భగీరథ అధికారులు స్వాగతం పలికారు. అనంతరం పోలీసుల గౌరవ వందనం స్వీకరించారు. మంత్రి సీతక్క కరీంనగర్ జిల్లాలోని పలు ప్రాంతాల్లో పర్యటించి అభివృద్ధి పనుల ప్రారంభోత్సవంలో పాల్గొంటారని అధికారులు తెలిపారు.