News September 30, 2024
‘బురారీ’ తరహాలోనే తండ్రి, నలుగురు కూతుళ్లు ఆత్మహత్య!
2018లో ఢిల్లీ బురారీలోని ఇంట్లో 11 మంది ఆత్మహత్య చేసుకోవడం సంచలనమైంది. తాజాగా దేశ రాజధానిలోని వసంత్‌కుంజ్‌లో తండ్రి, నలుగురు కూతుళ్లు సూసైడ్ చేసుకున్నారు. ఇది కూడా బురారీ ఘటన తరహాలో తాంత్రిక పూజల్లో భాగంగానే జరిగిందనే అనుమానాలొస్తున్నాయి. వారి మెడ, మణికట్టుకు ఎరుపు, పసుపు దారాలను పోలీసులు గుర్తించారు. వారంతా విషం కలిపిన స్వీట్లను తిన్నట్లు తేల్చారు. ఈ ఘటనపై దర్యాప్తు చేస్తున్నట్లు తెలిపారు.
Similar News
News November 10, 2025
ఆరికకు చిత్త గండం, ఆడదానికి పిల్ల గండం
ఆరిక(ఒక రకమైన చిరుధాన్యం) పండాలంటే, అవి పక్వానికి వచ్చే సమయంలో చిత్తా నక్షత్రం ప్రవేశంలో వర్షాలు బాగా కురవాలి. అప్పుడు వర్షాలు లేకుంటే పంట నాశనమవుతుంది. అందుకే ఆరిక పంటకు ఆ సమయం గండం వంటిది. అలాగే ఒక స్త్రీ జీవితంలో ప్రసవం అత్యంత కీలకమైన, ప్రమాదకరమైన ఘట్టం. దానినే పిల్ల గండంగా పేర్కొన్నారు. జీవితంలో కొన్ని దశలలో కొన్ని విషయాలకు సహజంగానే పెద్ద సవాళ్లు ఎదురవుతాయని ఈ సామెత తెలియజేస్తుంది.
News November 10, 2025
పాప నివారణ కోసం చదవాల్సిన శివ మంత్రం
క‌రచరణా కృతం వా కాయ‌జం క‌ర్మజం వా
శ్రవ‌న్నయ‌న‌జం వా మాన‌సం వా
ప‌ర‌ధాం విహితం విహితం వా
స‌ర్వ మేత‌త క్షమ‌స్వ
జ‌య జ‌య క‌రుణాబ్దే శ్రీ మ‌హ‌దేవ్ శంభో
చేతులు, కాళ్లు, మాటలు, చెవులు, కళ్లు, పనులు, మనస్సు.. వీటి ద్వారా తెలిసో, తెలియకో మనం ఎన్నో తప్పులు చేస్తుంటాం. ఆ అన్నీ తప్పులకు క్షమాపణ కోరుతూ, పరమేశ్వరుడిని ప్రార్థిస్తే.. వాటి ద్వారా వచ్చే దోషాలను ఈశ్వరుడు రాకుండా ఆపుతాడని భక్తుల ప్రగాఢ విశ్వాసం.
News November 10, 2025
ఫెదరర్ రికార్డును దాటేసిన జకోవిచ్
టెన్నిస్ దిగ్గజ ప్లేయర్ నొవాక్ జకోవిచ్ సంచలనం సృష్టించారు. ఏథెన్స్ ఓపెన్ టోర్నీలో విజేతగా నిలిచి కెరీర్‌లో 101వ సింగిల్స్ టైటిల్ అందుకున్నారు. ఇటలీ ప్లేయర్ ముసెట్టితో జరిగిన ఫైనల్లో 4-6, 6-3, 7-5 తేడాతో విజయం సాధించారు. దీంతో హార్డ్ కోర్టులపై జకోవిచ్ సాధించిన టైటిల్స్ సంఖ్య 72కు చేరింది. పురుషుల సింగిల్స్‌లో ఇదే అత్యధికం. తర్వాతి స్థానంలో ఫెదరర్(71) ఉన్నారు.