News October 3, 2024
దొంగిలించిన ఫెరారీ కారును ఎయిర్‌పాడ్స్ కనిపెట్టాయి
లండన్‌లోని గ్రీన్‌విచ్‌‌లో రూ. 5 కోట్ల విలువైన ఫెరారీ దొంగతనానికి గురైంది. పోలీసులు కారును కనుగొనేందుకు ప్రయత్నించినా లాభం లేకపోయింది. కారులో యాపిల్ ఎయిర్‌పాడ్స్‌ను మర్చిపోయానని యజమాని చెప్పడంతో వాటిని ట్రాక్ చేసి చివరకు దొంగను పట్టుకొని అరెస్టు చేశారు. సౌత్ మెయిన్ స్ట్రీట్‌లోని గ్యాస్ స్టేషన్‌లో కారు ఉన్నట్లు ఎయిర్‌పాడ్స్ లొకేషన్ చూపించడంతో పోలీసులు వెంటనే అక్కడికి వెళ్లారు.
Similar News
News July 4, 2025
PHOTO: గోల్కొండ కోట అందం చూశారా?
హైదరాబాద్‌లోని గోల్కొండ కోట చాలా ఏళ్లుగా పర్యాటకులను ఆకర్షిస్తోంది. ఈ కోటను ఎప్పుడైనా మీరు ఆకాశంలో నుంచి చూశారా? దీని ఏరియల్ వ్యూకు సంబంధించిన దృశ్యం ఆకట్టుకుంటోంది. పచ్చని చెట్ల నడుమ కోట నిర్మాణం అబ్బురపరుస్తోంది. బోనాల సందర్భంగా ఈ ఫొటోను ఓ నెటిజన్ సోషల్ మీడియాలో షేర్ చేయగా వైరలవుతోంది.
News July 4, 2025
పనిమనిషి కుటుంబ ఆదాయం రూ.లక్ష!.. reddit పోస్ట్ వైరల్
తన ఇంట్లో పనిచేసే ఓ మహిళ కుటుంబం తనకంటే ఎక్కువ సంపాదిస్తోందని తెలిసి ఆశ్చర్యపోయిన ఓ వ్యక్తి redditలో చేసిన పోస్ట్ వైరలవుతోంది. ‘మా పనిమనిషి ఇళ్లలో పనిచేయడం ద్వారా నెలకు రూ.30వేలు, కూలీగా ఆమె భర్త రూ.35వేలు, పెద్ద కొడుకు రూ.30వేలు, టైలరింగ్ చేస్తూ కుమార్తె రూ.3వేలు, చిన్న కొడుకు రూ.15వేలు సంపాదిస్తున్నాడు. ఇలా ఎలాంటి పన్ను చెల్లించకుండా నెలకు రూ.లక్షకు పైగా సంపాదిస్తున్నారు’ అని రాసుకొచ్చారు.
News July 4, 2025
ప్రభాస్ ‘స్పిరిట్’ షూటింగ్ ఎప్పుడంటే?
సందీప్ రెడ్డి వంగా దర్శకత్వంలో ప్రభాస్ హీరోగా తెరకెక్కనున్న ‘స్పిరిట్’ సినిమా నుంచి అప్డేట్ వచ్చింది. ఇతర నటీనటులతో సెప్టెంబర్‌లో షూటింగ్ ప్రారంభం అవుతుందని, ప్రభాస్ నవంబర్ నుంచి షూట్‌లో పాల్గొంటారని మూవీ టీమ్‌కు చెందిన ఓ వ్యక్తి తెలిపారు. ఇందులో సిన్సియర్ పోలీస్ ఆఫీసర్‌ పాత్రలో రెబల్ స్టార్ కనిపించనున్నట్లు సమాచారం. త్రిప్తి దిమ్రి హీరోయిన్‌గా నటిస్తున్నారు.