News October 9, 2024
ఆ అపాయింట్‌మెంట్ లెటర్లు ఫేక్: APPSC
AP: ఏపీపీఎస్సీ సభ్యుల ఆఫీస్‌ల నుంచి వచ్చే అపాయింట్‌మెంట్ లెటర్లు ఫేక్ అని ఏపీపీఎస్సీ తెలిపింది. అసలు ఏపీపీఎస్సీ మెంబర్లు అపాయింట్‌మెంట్ లెటర్లు ఇవ్వరని స్పష్టం చేసింది. అపాయింట్‌మెంట్ లెటర్ల పేరుతో ఎవరైనా డబ్బులు డిమాండ్ చేస్తే ఇచ్చి మోసపోవద్దని సూచించింది. ప్రతి శాఖలో విధి విధానాలకు లోబడే నియామకాలు జరుగుతాయని పేర్కొంది.
Similar News
News October 9, 2024
డీఎస్సీ: ఎంత మంది ఎంపికయ్యారంటే?
TG: డీఎస్సీ పోస్టుల తుది ఫలితాలను విద్యాశాఖ రిలీజ్ చేసింది. మొత్తం 11 వేల 62 పోస్టులకు గానూ 10,006 మంది అభ్యర్థులను ఎంపిక చేసినట్లు విద్యాశాఖ తెలిపింది. జిల్లాల వారీగా పోస్టుల వివరాలను వెల్లడించింది. మిగిలిన అభ్యర్థుల ఎంపిక పెండింగ్‌లో ఉన్నట్లు పేర్కొంది. ఆ పోస్టుల్లో ఎంపికైన క్యాండిడేట్లు కోర్టు కేసులు, ఇతర కారణాలు ఉండటంతో పెండింగ్‌లో ఉన్నట్లు తెలిపింది.
News October 9, 2024
గత నెల చరిత్రలో రెండో అత్యంత వేడైన సెప్టెంబర్: కోపర్నికస్
ఈ ఏడాది సెప్టెంబర్ చరిత్రలో రెండో అత్యంత వేడైన సెప్టెంబర్ అని EU వాతావరణ పర్యవేక్షణ సంస్థ కోపర్నికస్(C3S) తెలిపింది. అత్యంత వేడైన సెప్టెంబరు గత ఏడాది నమోదైందని గుర్తుచేసింది. గత నెలలో తీవ్ర వర్షపాతం, అమెరికాలో హెలీన్, తైవాన్‌లో క్రాతన్, యూరప్‌లో బోరిస్ తుఫాన్లు విధ్వంసాన్ని సృష్టించాయని వివరించింది. పర్యావరణ మార్పు కారణంగా పరిస్థితులు వేగంగా దిగజారుతున్నాయని ఆందోళన వ్యక్తం చేసింది.
News October 9, 2024
ఓలాకు అండగా నిలిచిన హర్ష్ గోయెంకా
వివాదంలో చిక్కుకున్న ఓలా ఎలక్ట్రిక్ సంస్థకు వ్యాపారవేత్త హర్ష్ గోయెంకా అండగా నిలిచారు. తాను చిన్న దూరాలు ప్రయాణించేందుకు ఓలా స్కూటర్‌నే వినియోగిస్తానంటూ ట్వీట్ చేశారు. స్టాండప్ కమెడియన్ కునాల్ కమ్రాకు, ఓలా సీఈఓ భవీష్ అగర్వాల్‌కు మధ్య నెట్టింట వాగ్వాదం అనంతరం కేంద్ర వినియోగదారుల రక్షణ సంస్థ(CCPA) ఓలా ఎలక్ట్రిక్‌కు షోకాజ్ నోటీసులు జారీ చేసిన సంగతి తెలిసిందే. అటు సంస్థ షేర్లు సైతం 9శాతం పడిపోయాయి.