News October 9, 2024
మా రికార్డు భారత్కు దరిదాపుల్లో కూడా లేదు: మోర్గాన్
టీమ్ ఇండియా పోరాట స్ఫూర్తిపై ఇంగ్లండ్ మాజీ కెప్టెన్ ఇయాన్ మోర్గాన్ ప్రశంసలు కురిపించారు. భారత్ ఆ స్ఫూర్తిని కొనసాగిస్తే BGTలో ఆస్ట్రేలియాకు కష్టాలు తప్పవన్నారు. ‘స్వదేశ పరిస్థితుల్లో భారత్ను కొట్టడం దాదాపు ఆసాధ్యం. గెలవాలన్న పట్టుదలే వారిని పటిష్ఠంగా మార్చింది. మా దేశంలోనూ స్వదేశ పరిస్థితులు మాకు అనుకూలమే. కానీ మా తరతరాల రికార్డు తీసుకున్నా భారత్కు కనీసం దరిదాపుల్లో లేదు’ అని పేర్కొన్నారు.
Similar News
News January 30, 2026
రాష్ట్రానికి రూ.128.43 కోట్ల NHM నిధులు
AP: జాతీయ ఆరోగ్య మిషన్ చివరి విడత కింద ఆయా జిల్లాలకు ప్రభుత్వం రూ.128.43 కోట్లను విడుదల చేసింది. FEB 20లోగా వీటిని ఖర్చు చేయాలని ఆదేశించింది. జిల్లాల వారీగా గుంటూరుకు రూ.20.61 కోట్లు, నెల్లూరుకు రూ.8.60 కోట్లు, కృష్ణాకు రూ.6.21 కోట్లు ఇచ్చారు. మిగిలిన జిల్లాలకు రూ.5.20 కోట్ల నుంచి రూ.2 కోట్ల చొప్పున విడుదల చేసినట్లు ఆరోగ్య, కుటుంబ సంక్షేమ శాఖ కమిషనర్ వీరపాండియన్ తెలిపారు.
News January 30, 2026
కళ్లు మూసి తెరిచేలోపే SMలో ఇంత జరుగుతుందా?
సోషల్ మీడియాలో ఒక్క సెకనులో ఏం జరుగుతుందో గూగుల్ GEMINI ఆసక్తికర డేటాను వెల్లడించింది. దీని ప్రకారం సెకనుకు వాట్సాప్లో 10 లక్షల మెసేజ్లు, ఇన్స్టాలో 1,000 ఫొటోలు అప్లోడ్ అవుతున్నాయి. ‘X’లో 10 వేల ట్వీట్స్ చేస్తుంటే గూగుల్లో లక్షకు పైగా సెర్చ్లు జరుగుతున్నాయి. ఇక యూట్యూబ్లో 90 వేల వీడియోలు చూస్తున్నారు. మనం కనురెప్ప వేసి తెరిచేలోపు డిజిటల్ ప్రపంచం ఇంతలా కదులుతోందన్నమాట.
News January 30, 2026
చర్చలకు మాస్కో రండి.. జెలెన్స్కీకి రష్యా ఆహ్వానం
రష్యా, ఉక్రెయిన్ యుద్ధంలో కీలక పరిణామం చోటుచేసుకుంది. ఉక్రెయిన్ అధ్యక్షుడు జెలెన్స్కీని శాంతి చర్చలకు మాస్కో రావాలని రష్యా ఆహ్వానించింది. అయితే ఈ విషయంపై ఆయన నుంచి ఇంకా స్పందన రాలేదని క్రెమ్లిన్ ప్రతినిధి దిమిత్రీ పెస్కోవ్ తెలిపారు. గతేడాది రష్యా పంపిన ఆహ్వానాన్ని జెలెన్స్కీ తిరస్కరించారు. తన దేశంపై మిసైళ్లు ప్రయోగిస్తున్న దేశానికి తాను వెళ్లబోనని స్పష్టం చేశారు.