News October 14, 2024
పాకిస్థాన్ గెలవాలి.. భారత్ ఫ్యాన్స్
ఉమెన్స్ టీ20 WC సందర్భంగా భారత అభిమానులకు విచిత్రమైన అనుభవం ఎదురైంది. చిరకాల ప్రత్యర్థి పాకిస్థాన్ గెలవాలని కోరుకునే పరిస్థితి వచ్చింది. నిన్న ఆస్ట్రేలియా చేతిలో ఓటమితో భారత మహిళా జట్టు సెమీస్ అవకాశాలు సంక్లిష్టం అయ్యాయి. ఇవాళ న్యూజిలాండ్‌పై పాక్ గెలిస్తేనే మనం సెమీస్ చేరుతాం. దీంతో ఇవాళ ఎలాగైనా పాక్ గెలవాలని టీమ్ ఇండియా ఫ్యాన్స్ కోరుకుంటున్నారు. దీనిపై మీ కామెంట్?
Similar News
News October 16, 2024
గిల్‌తో ఓపెనింగ్ చేయించొద్దు: అనిల్ కుంబ్లే
నవంబర్‌లో ఆస్ట్రేలియాతో జరిగే తొలి టెస్టుకు రోహిత్ శర్మ దూరమయ్యే ఛాన్స్ ఉన్న నేపథ్యంలో టీమ్‌ఇండియా మేనేజ్‌మెంట్‌కు అనిల్ కుంబ్లే కీలక సూచన చేశారు. రోహిత్ స్థానంలో గిల్‌తో ఓపెనింగ్ చేయించవద్దని, అతడిని మూడో స్థానంలోనే కొనసాగించాలని అన్నారు. జైస్వాల్‌కు ఓపెనింగ్ జోడీగా KL రాహుల్‌ను పంపిస్తే మంచిదని అభిప్రాయపడ్డారు. రాహుల్ పరిస్థితులకు తగ్గట్లుగా ఆడగలరని, గిల్ పొజిషన్‌ను ఛేంజ్ చేయడం అవసరం లేదన్నారు.
News October 16, 2024
అందుకే రేస్ కార్ల జోలికి వెళ్లట్లేదు: నాగచైతన్య
తనకు చిన్నతనం నుంచి రేసింగ్ అంటే చాలా ఇష్టమని హీరో నాగచైతన్య చెప్పారు. కొత్త రకం బైక్, కారు ఏది కనిపించినా వెంటనే డ్రైవ్ చేసేవాడినని తెలిపారు. సినిమాలతో బిజీగా మారడంతో ఆ అలవాటును తగ్గించుకోవాలని నిర్ణయించుకున్నట్లు చెప్పారు. వేగంగా వెళ్లొద్దని సన్నిహితులు సూచించడంతో రేసింగ్‌కు దూరమైనట్లు పేర్కొన్నారు. ప్రస్తుతం ఆయన చందు మొండేటి దర్శకత్వంలో ‘తండేల్’ చిత్రంలో నటిస్తున్నారు.
News October 16, 2024
ఒమర్ అబ్దుల్లాకు శుభాకాంక్షలు: మోదీ
జమ్మూకశ్మీర్ సీఎంగా ప్రమాణ స్వీకారం చేసిన ఒమర్ అబ్దుల్లాకు ప్రధాని మోదీ శుభాకాంక్షలు తెలియజేశారు. ప్రజలకు మెరుగైన సేవలు అందించాలని ఆకాంక్షించారు. జమ్మూకశ్మీర్ అభివృద్ధికి కేంద్రం ఎప్పుడూ కట్టుబడి ఉంటుందని, అందుకు ఒమర్‌తో కలిసి పనిచేస్తామని పేర్కొన్నారు. కాగా ఇటీవల జరిగిన అసెంబ్లీ ఎన్నికల్లో NC, కాంగ్రెస్ కూటమి మెజార్టీ స్థానాలు గెలిచి అధికారంలోకి వచ్చిన విషయం తెలిసిందే.