News October 17, 2024
ఆ సినిమాకు ప్రీక్వెల్ చేసే ఆలోచన: జ్ఞానవేల్
సూపర్ స్టార్ రజినీకాంత్, బిగ్ బీ అమితాబ్ బచ్చన్ ప్రధాన పాత్రల్లో తెరకెక్కిన చిత్రం ‘వేట్టయన్’. ఈ సినిమా తెలుగులో మిక్స్‌డ్ టాక్ సొంతం చేసుకుంది. ఈ క్రమంలో సినిమాకు ప్రీక్వెల్ చేసే ఆలోచనలో ఉన్నట్లు దర్శకుడు జ్ఞానవేల్ ఓ ఇంటర్వ్యూలో చెప్పారు. వేట్టయన్ కథను నిజ జీవితాల్లోనుంచే తీసుకున్నట్లు చెప్పారు. తర్వాతి ప్రాజెక్టుల గురించి నవంబర్‌లో వెల్లడిస్తానన్నారు.
Similar News
News October 17, 2024
కేంద్రానికి రైతు సంఘాల హెచ్చరిక
ఢిల్లీ రైతు ఉద్యమానికి నాలుగేళ్లు పూర్తవుతున్న నేపథ్యంలో సంయుక్త్ కిసాన్ మోర్చా మరో సారి ర్యాలీలకు పిలుపునిచ్చింది. నవంబర్ 26న దేశంలోని 500 జిల్లాల్లో హెచ్చరిక ర్యాలీలు చేపడుతామని తెలిపింది. తమ డిమాండ్లను పరిష్కరించకపోతే వచ్చే ఏడాది మరో ఉద్యమం తప్పదని హెచ్చరించింది.
News October 17, 2024
కమలా హారిస్‌కు చైనా మద్దతు
అమెరికా అధ్యక్ష పదవికి కమలా హారిస్ ఎన్నికవ్వాలని కోరుకుంటున్నట్లు చైనీస్ పీపుల్స్ పొలిటికల్ కన్సల్టేటివ్ కాన్ఫరెన్స్(CPPCC) సభ్యుడు జియా కింగువో పేర్కొన్నారు. చైనా సర్కారులో ఈ సంస్థ కీలకంగా వ్యవహరిస్తుంటుంది. ‘మాకు ట్రంప్‌తో చేదు అనుభవాలున్నాయి. వాటిని మళ్లీ ఎదుర్కోవాలనుకోవడం లేదు. హారిస్ గెలిస్తేనే బెటర్. బైడెన్‌ పాలనలోనూ ఇబ్బందులున్నా, అమెరికా విధానాలు స్థిరంగా ఉన్నాయి’ అని పేర్కొన్నారు.
News October 17, 2024
‘పుష్ప-2’ సంచలనం!
ఐకాన్ స్టార్ అల్లు అర్జున్ హీరోగా సుకుమార్ తెరకెక్కిస్తోన్న ‘పుష్ప-2’ రిలీజ్‌కు ముందే సంచలనాలు నమోదు చేస్తోంది. సినిమా DEC 6న రిలీజ్ కానుండగా అప్పుడే రూ.900 కోట్ల బిజినెస్ చేసినట్లు సినీవర్గాలు పేర్కొన్నాయి. డిజిటల్ & శాటిలైట్ రైట్స్‌ను ఆల్‌టైమ్ రికార్డు ధరకు విక్రయించినట్లు టాక్. థియేట్రికల్ రైట్సే రూ.650 కోట్లకు కోట్ చేశారని సమాచారం. ‘పుష్ప’కు సీక్వెల్‌గా వస్తుండటంతో భారీ అంచనాలున్నాయి.