News October 19, 2024
పోలీసులపైకి కుర్చీలు విసిరిన కార్యకర్తలు
సికింద్రాబాద్లో తీవ్ర ఉద్రిక్తత నెలకొంది. హిందూ సంఘాలు, పోలీసులకు మధ్య ఘర్షణ జరిగింది. ర్యాలీని పోలీసులు అడ్డుకోవడంతో వారు వాటర్ ప్యాకెట్లు, కుర్చీలు విసిరారు. దీంతో లాఠీఛార్జ్ చోటు చేసుకోగా పలువురు గాయపడ్డారు. ముత్యాలమ్మ ఆలయంలో విగ్రహ ధ్వంసం ఘటనపై ఇవాళ హిందూ సంఘాలు సికింద్రాబాద్ బంద్కు పిలుపునిచ్చిన విషయం తెలిసిందే.
Similar News
News October 19, 2024
ఛత్తీస్గఢ్లో ఐఈడీ బ్లాస్ట్.. ఇద్దరు జవాన్ల వీరమరణం
ఛత్తీస్గఢ్లోని నారాయణ్పూర్లో మావోయిస్టులు అమర్చిన ఐఈడీ బాంబు పేలడంతో ఇద్దరు ఇండో-టిబెటన్ బోర్డర్ పోలీస్(ITBP) జవాన్లు అమరులయ్యారు. మరో ఇద్దరికి తీవ్రగాయాలయ్యాయి. ఈరోజు ఉదయం స్థానిక ధుర్బేద ప్రాంతంలో కూంబింగ్ కోసం ఐటీబీపీ, జిల్లా రిజర్వు గార్డ్ బలగాలు వెళ్తున్న సమయంలో కొడ్లియార్ గ్రామంలో ఈ ఘటన చోటుచేసుకుంది. మృతుల్లో ఏపీలోని కడపకు చెందిన కె రాజేశ్ అనే జవాను ఉండటం గమనార్హం.
News October 19, 2024
లైఫ్, హెల్త్ ఇన్సూరెన్స్పై GST మినహాయింపులకు మంత్రులు OK
లైఫ్, హెల్త్ ఇన్సూరెన్స్లపై GSTకి మినహాయింపులు ఇవ్వడంపై మంత్రుల బృందం ఏకాభిప్రాయానికి వచ్చినట్టు తెలిసింది. Sr సిటిజన్ల హెల్త్ ఇన్సూరెన్స్, రూ.5లక్షల కవరేజీ వర్తించే హెల్త్ ఇన్సూరెన్స్కూ పూర్తి మినహాయింపు ఇవ్వడానికి అంగీకరించారని సమాచారం. టర్మ్ ఇన్సూరెన్స్పై ఎంత వరకు ఇస్తారో తెలియాల్సి ఉంది. ఈ ప్రతిపాదనలపై రిపోర్టును OCT 31లోపు GST కౌన్సిల్కు ఇవ్వాలి. ఆ తర్వాత మీటింగ్లో ఫైనలైజ్ అవుతుంది.
News October 19, 2024
రాష్ట్ర ప్రభుత్వం సంచలన నిర్ణయం
AP: విశాఖ శారదా పీఠానికి ఇచ్చిన స్థలం అనుమతిని రద్దు చేస్తూ ప్రభుత్వం ఆదేశాలు జారీ చేసింది. విశాఖలో 15 ఎకరాల స్థలం విలువ రూ.220 కోట్లు అయితే గత ప్రభుత్వంలో రూ.15 లక్షలకు శారదా పీఠానికి కేటాయించినట్లు ఆరోపణలు వచ్చాయి. దీనిపై కూటమి ప్రభుత్వం దర్యాప్తు చేపట్టింది. నివేదిక ఆధారంగా స్థలం అనుమతులను రద్దు చేసింది. దీనిపై సోమవారం అధికారిక ఉత్తర్వులు వచ్చే అవకాశం ఉంది.