News October 22, 2024
భూపాలపల్లి: సొంత వైద్యం.. అమ్మాయి మృతి
సొంతవైద్యం వికటించి యువతి మృతిచెందిన ఘటన భూపాలపల్లిలో జరిగింది. వివరాలు.. జిల్లాకేంద్రంలోని కార్మస్ కాలనీకి చెందిన అంజలి (20) స్థానిక ప్రభుత్వ ఆసుపత్రిలో ట్రైనీ నర్సుగా విధులు నిర్వహిస్తోంది. కాగా అనారోగ్యానికి గురవడంతో తానే సొంతంగా సెలైన్ బాటిల్ పెట్టుకుంది. దీంతో వాంతులు అయ్యాయి. శ్వాస తీసుకోవడంలోనూ ఇబ్బంది పడటంతో బంధువులు ఆమెను వరంగల్ MGMకు తరలిస్తుండగా మార్గమధ్యలో మృతిచెందింది. కేసు నమోదైంది.
Similar News
News January 26, 2026
మూడు రోజుల అనంతరం ఓపెన్ కానున్న వరంగల్ మార్కెట్
మూడు రోజుల విరామం అనంతరం వరంగల్ ఎనుమాముల వ్యవసాయ మార్కెట్ మంగళవారం పున:ప్రారంభం కానుంది. శని, ఆదివారం వారాంతపు సెలవులు, సోమవారం గణతంత్ర దినోత్సవం సందర్భంగా మార్కెట్ బంద్ ఉంది. దీంతో రేపు ప్రారంభం కానుండగా.. రైతులు నాణ్యమైన సరుకులను మార్కెటుకు తీసుకొని వచ్చి మంచి ధర పొందాలని అధికారులు సూచించారు. కాగా ఉదయం 6 గంటల నుంచి మార్కెట్లో కొనుగోళ్లు ప్రారంభం కానున్నాయి.
News January 26, 2026
అబార్షన్ల మాఫియాపై ఈ నంబర్కు ఫిర్యాదు చెప్పండి: కలెక్టర్
బాలికల పట్ల వివక్ష తగదని, జిల్లాలో బాలికల నిష్పత్తి తగ్గడానికి కారణాలను విశ్లేషిస్తూ తగిన చర్యలు తీసుకోవడానికి కార్యక్రమాలు చేపడుతున్నామని హన్మకొండ కలెక్టర్ స్నేహ శబరీష్ అన్నారు. అందుకు సంబంధించిన ప్రచారపత్రాలను పోలీస్ పరేడ్ గ్రౌండ్స్లోని హెల్త్ స్టాల్ వద్ద ఆవిష్కరించారు. లింగ నిర్ధారణ పరీక్షలు, అబార్షన్లు చేయడం నేరమని, అలాంటి వారి గురించి 63000 30940 నంబర్కు సమాచారం అందించాలని సూచించారు.
News January 24, 2026
వరంగల్ కలెక్టర్కు రాష్ట్రస్థాయి అవార్డు
జాతీయ ఓటర్ల దినోత్సవాన్ని పురస్కరించుకుని ఎన్నికల నిర్వహణలో ఉత్తమ ప్రతిభ చూపినందుకు వరంగల్ కలెక్టర్ డాక్టర్ సత్య శారద రాష్ట్ర స్థాయి అవార్డుకు ఎంపికయ్యారు. వినూత్న ఓటర్ల అవగాహన కార్యక్రమాలు, ఎన్నికల అధికారులు, సిబ్బందికి నిరంతర శిక్షణ, పారదర్శకతతో ఎన్నికలు నిర్వహించినందుకు ఈ గుర్తింపు లభించింది. జనవరి 25న హైదరాబాద్లో గవర్నర్ జిష్ణుదేవ్ వర్మ చేతుల మీదుగా అవార్డు అందుకోనున్నారు.