News October 25, 2024
రోహిత్ శర్మ చెత్త రికార్డు
టీమ్ ఇండియా కెప్టెన్ రోహిత్ శర్మ చెత్త రికార్డును మూటగట్టుకున్నారు. అంతర్జాతీయ క్రికెట్లో అత్యధిక సార్లు డకౌటైన ఆరో భారత ప్లేయర్గా ఆయన నిలిచారు. ఇప్పటివరకు హిట్మ్యాన్ 34 సార్లు డకౌటయ్యారు. కివీస్తో జరిగిన రెండో టెస్టులో ఆయన ఈ ఫీట్ నెలకొల్పారు. ఈ క్రమంలో సచిన్ (34) రికార్డును సమం చేశారు. ఈ జాబితాలో జహీర్ ఖాన్ (43), ఇషాంత్ శర్మ (40), విరాట్ కోహ్లీ (38), హర్భజన్ (37), అనిల్ కుంబ్లే (35) ఉన్నారు.
Similar News
News January 3, 2026
మంచి పశుగ్రాసానికి ఉండాల్సిన లక్షణాలు
పాడి పశువులకు అందిచే గ్రాసం రుచిగా, ఎక్కువ మాంసకృత్తులు కలిగి ఉండాలి. తక్కువ కాలంలో కోతకు వచ్చి ఎక్కువ దిగుబడి ఇచ్చేదిగా ఉండాలి. నీటి ఎద్దడిని తట్టుకొని ఏ దశలో కోసినా రుచికరంగా ఉండాలి. ఎలాంటి విష పదార్థాలు ఉండకూడదు. అన్ని కాలాల్లో మంచి దిగుబడిని ఇవ్వాలి. అన్ని రకాల నేలల్లో తక్కువ నీటితో సాగు చేసుకోగలినదై ఉండాలి. తెగుళ్లను తట్టుకునేలా, కోసిన తర్వాత రోజుల తరబడి నిల్వచేసుకొనుటకు వీలుగా ఉండాలి.
News January 3, 2026
సుదర్శన చక్రం ఆవిర్భావం, విశిష్టత
రాక్షసుల ఆగడాల నుంచి లోకాన్ని రక్షించడానికి శక్తిమంతమైన ఆయుధం అవసరమని భావించిన విష్ణుమూర్తి, శివుడిని ప్రార్థించారు. శివపురాణం ప్రకారం.. శివుడే అత్యంత విధ్వంసకరమైన సుదర్శన చక్రాన్ని విష్ణువు కోసం సృష్టించి బహుకరించాడు. ఒక్కసారి ప్రయోగిస్తే లక్ష్యాన్ని ఛేదించి తిరిగి వచ్చే ఈ దివ్యాయుధం, ధర్మస్థాపనలో కీలక పాత్ర పోషించింది. సృష్టికర్త శివుడు కాగా, దానిని ధరించి లోక కల్యాణం గావించింది మహావిష్ణువు.
News January 3, 2026
లేట్ నైట్ స్నాక్స్ తింటున్నారా?
లేట్ నైట్ స్నాక్స్ తినడం వల్ల పలు అనారోగ్యాలొస్తాయంటున్నారు నిపుణులు. ఆలస్యంగా తినడం వల్ల నిద్ర సరిగా పట్టదు. ఇది గుండె జబ్బులు, డయాబెటిస్, ఊబకాయం వంటి సమస్యలను తెచ్చిపెడుతుంది. అలాగే షుగర్ లెవెల్స్ పెరగడం, శరీరంలో కొవ్వు పేరుకుపోవడం జరుగుతుంది. రాత్రి భోజనంలో ప్రొటీన్, ఫైబర్, కార్బోహైడ్రేట్లు సమతుల్యంగా ఉండేలా చూసుకోండి. దీనివల్ల లేట్ నైట్ క్రేవింగ్స్కి చెక్ పెట్టొచ్చంటున్నారు నిపుణులు.